Qazaqstannyń shahmatshy qyzdary Azııa chempıonatynda 4 medal aldy
14:34, 26 Qazan 2021
NUR-SULTAN. QazAqparat – Qazaqstannyń shahmatshy qyzdary Azııa chempıonatynda 2 altyn, 2 kúmis jeńip aldy, dep habarlaıdy QazAqparat tilshisi.
2021 jyldyń 22-24 qazan aralyǵynda shahmattan jastar arasyndaǵy Azııa chempıonaty-2021 onlaın rejıminde ótti. Jarysqa 11 qazaqstandyq shahmatshy qatysyp, onyń ishinde tórt qatysýshy júldeli oryndarǵa ıe boldy. Áıelder arasyndaǵy FIDE sheberi Ksenııa Balabaeva 16 jáne Elnaz Qalıahmet 12 jasqa deıingi sanattar boıynsha Azııa chempıony atandy. Chempıonat jeńimpazdary Altyn sertıfıkattarmen marapattalady», - delingen Qazaqstan shahmat federatsııasynyń baspasóz qyzmeti taratqan aqparatta.
Federatsııa málimetinshe, 12 jasqa deıingi qyzdar arasynda Nursulý Orazalına Azııa chempıonatynyń kúmis júldegeri atansa, 10 jasqa deıingiler arasynda Aıarý Altynbek ekinshi júldeni jeńip aldy. Kúmis júldegerlerge de Kúmis sertıfıkattar tabystalady.