Qazaqstannyń saýda seriktes eldermen jasalǵan taýar aınalymynyń kólemi ósti

NUR-SULTAN. QazAqparat – QR Saýda jáne ıntegratsııa vıtse-mınıstri Janel Kýshýkova Qazaqstannyń barlyq saýda seriktestermen taýar aınalym kólemi artqany týraly aıtty, dep habarlady QazAqparat tilshisi.

«2021 jyldyń 5 aıynda syrtqy saýda aınalymy 36,4 mlrd AQSh dollaryna jetti, sondaı-aq byltyrǵy sáıkes kezeńge qaraǵanda eksport 5,5 paıyzǵa ósip, 22,9 mlrd dollardy qurady. Onyń ishinde shıkizattyq emes taýarlarǵa 7,2 mlrd dollar tıesili boldy», - dedi J. Kýshýkova mınıstrliktiń alqa májilisinde.

Onyń aıtýynsha, bıylǵy qańtar-mamyr kezeńinde Qazaqstannyń ımporty da 12,1 paıyzǵa ósip, 14,7 mlrd AQSh dollaryn qurady.

Onyń ishinde shıkizattyq emes taýarlardyń ımporty 12,6 paıyzǵa artyp 13,5 mlrd dollar boldy. Al shıkizattyq taýarlar ımporty Qazaqstanda 7 paıyzǵa ósip, 1,2 mlrd dollarǵa jetti.

«Barlyq negizgi seriktestermen, ıaǵnı EAEO, TMD elderimen, Qytaı, Germanııa, Ispanııa jáne basqa da eldermen saýda kólemi eleýli túrde artty», - dedi vıtse-mınıstr.