Qazaqstannyń Saýd Arabııasyna et eksportyn molaıtýǵa múmkindigi artady
22:22, 25 Shilde 2022
NUR-SULTAN. QazAqparat - Qazaqstan Respýblıkasynyń Prezıdenti Qasym-Jomart Toqaevtyń Saýd Arabııasyna sapary aıasynda otandyq et eksporttaýshylar úshin jańa múmkindikterge jol ashatyn qujattarǵa qol qoıyldy, dep habarlaıdy QazAqparat.
«24-25 shilde kúnderi eki eldiń saýda-ekonomıkalyq yntymaqtastyǵyn keńeıtý maqsatynda isker toptardyń ókilderiniń qatysýymen ınvestıtsııalyq dóńgelek ústel ótti. Sıyr eti men qoı eti ımportyna qoıylatyn sanıtarııalyq jáne tehnıkalyq talaptar hattamasyna qol qoıyldy. Kelisimge Saýd Arabııasynyń azyq-túlik sektory jónindegi vıtse-prezıdenti Muhammed ál-Nasar men QR AShM Veterınarlyq baqylaý jáne qadaǵalaý komıtetiniń tóraǵasy Asqar Jaqypbaev qol qoıdy», - delingen Aýyl sharýashylyǵy mınıstrliginiń taratqan aqparatynda.
Bul qujat qazaqstandyq qoı jáne sıyr etin óndirýshiler úshin ótkizý naryǵyn keńeıtýge jáne aýyl sharýashylyǵy salasyndaǵy yntymaqtastyqty odan ári arttyrýǵa múmkindik bermek.
Foto: Aýyl sharýashylyǵy mınıstrligi