Qazaqstannyń Parlamenti saıası erlik tanytty - N.Erimbetov

ASTANA. QazAqparat - Qazaqstannyń Parlamenti saıası erlik tanyta bildi, deıdi Ortalyq kommýnıkatsııalat qyzmetiniń brıfıngisine qatysa otyryp, Qazaqstannyń Azamattyq alıansynyń dırektory Nurlan Erimbetov.

«Merziminen buryn parlamenttik saılaý ótkizý týraly úndeý jarııalaı otyryp, Qazaqstannyń Parlamenti saıası erlik tanytty. Jəne de, shynymdy aıtsam, Parlamenttiń bul sheshimin syılaımyn. ıAǵnı, meniń aıtpaǵym, Parlament qoǵamǵa taǵy da tańdaý jasaýǵa múmkindik berip otyr. Eger de Memleket basshysy Parlamenttiń bul úndeýin qabyldasa, jańa saılaý barlyq partııalar úshin jaqsy bir synaq bolar edi»,-deıdi N.Erimbetov.

Saıası sarapshynyń aıtýynsha, kez kelgen saılaý - qoǵamnyń kóńil-kúıin bildiredi. Sondyqtan, Nurlan Erimbetov parlament saılaýy ótse, qoǵamnyń nendeı kóńil-kúıde ekenin baıqaǵym keledi deıdi.

«Jəne de Parlamentke jańa adamdardyń, əsirese, jastardyń kelgenin qalaımyn. Sebebi, qazir əlemdi kórgen, əlem halyqtarynyń qandaı jaǵdaıda ómir súrip jatqanyn jaqsy biletin urpaq qalyptasty. Meniń jeke basym úshin kez kelgen saılaý - qoǵamnyń kóńil kúıin ólsheıtin, qoǵamnyń saıası saýattylyǵyn kórsetetetin termometr»,-dedi sózin túıindeı kele N.Erimbetov.