Qazaqstannyń ózbek jáne qyrǵyz shekaralarynda keptelis týyndady

ASTANA. QazAqparat – QR Ulttyq qaýipsizdik komıtetiniń Shekara qyzmeti qazaq – ózbek jáne qazaq –qyrǵyz shekaralaryndaǵy adamdar men kólik keptelisine túsinik berdi, dep habarlaıdy QazAqparat.

«Shekara qyzmeti shekaranyń Qazaqstan – Ózbekstan jáne Qazaqstan – Qyrǵyzstan ýchaskesindegi ótkizý pýnkterinde jolaýshylar aǵynynyń ulǵaıýy sebebinen adamdar men kólik quraldarynyń shamadan tys jınalýy baıqalatynyn habarlaıdy.

Qazaqstan Respýblıkasynyń Memlekettik shekarasyndaǵy ótkizý pýnkteri mereke jáne demalys kúnderin eskere otyryp, shtattyq rejımde jumys isteıdi jáne Shekara qyzmetiniń qyzmetkerlerimen qosymsha kúsheıtildi.

Ótkizý qarqyny mereke kúnderine sáıkes deńgeılerde.

Halyqaralyq saparlardy josparlaý kezinde kórsetilgen aqparatty eskerýińizdi suraımyz, - delingen QR UQK baspasóz qyzmeti usynǵan aqparatta.

Aıta keteıik, 7 - 9 mamyr aralyǵynda Qazaqstan-Qytaı shekarasyndaǵy avtomobıl ótkizý pýnkteri jumys jasamaıdy.