Qazaqstannyń orta merzimdi ekonomıkalyq damý saıasaty qaıta bekitiledi
Ulttyq ekonomıka mınıstrliginiń málimetinshe, jańa strategııa Prezıdenttiń otandyq iri bıznes ókilderimen kezdesýinde bergen tapsyrmalary aıasynda ázirlengen.
«Orta merzimge arnalǵan ekonomıkalyq damý jospary áleýmettik-ekonomıkalyq damýdy qamtamasyz etý, kiristerdi ádil bólý, jappaı kásipkerlik arqyly halyqtyń teńdigin qamtamasyz etý jáne naqty ál-aýqatyn arttyrý maqsatynda ázirlenip otyr.
Ekonomıkalyq saıasat strategııasy ınfraqurylymdyq múmkindikter, óńirlik jáne el ishindegi erekshelikterdi eskere otyryp daıyndalǵan.
Jańa Qazaqstannyń ekonomıkalyq saıasaty ekonomıkalyq agentter men azamattardyń áleýetin barynsha ashýǵa, ádildik pen múmkindikter teńdigin qamtamasyz etýge baǵyttalǵan», - delingen ashyq talqyǵa shyǵarylǵan qujatta.
Eske sala keteıik, bıyl 19 mamyrda eldegi kásipkerlermen kezdesken Memleket basshysy Qasym-Jomart Toqaev Úkimetke bıznestiń quqyǵyn qorǵaý, jańa ekonomıkalyq saıasatty aıqyndaý boıynsha birqatar tapsyrma bergen edi.