Qazaqstannyń organıkalyq ónimderiniń sapasy frantsýzdyq taýardan joǵary

ASTANA. QazAqparat - Іri rıteılderdiń biri qazaqstandyq organıkalyq ónimderdiń sapasyn fratsýzdyq ónimge qaraǵanda joǵary baǵalap otyr. Bul jaıynda tabıǵı taza ónimderdi óndirý máselesine arnalǵan jıynda «Jasyl ekonomıka úshin jáne G-GLOBAL-dy damytý» koalıtsııasy basqarmasynyń tóraıymy Saltanat Rahymbekova keńinen baıandap berdi.

Atap aıtqanda, bul turǵyda kókónis ósiretin Astanadan 40 shaqyrym jerde ornalasqan fıtodıodty jylyjaı men kún bıovegıtarıdiń múmkindikteri zerttelgen.

Esterińizge sala keteıik, bul eksperımenttik alań Halyqtyq «jasyl» tehnologııalar akademııasy janynan quryldy. Bul jerde organıkalyq ónimdik ósirý úshin quramynda hımııalyq zattar men nıtrattary joq jáne tabıǵı jolmen óńdelgen kóń paıdalanylady.

«Bul shaǵyn jylyjaı. Biz budan bıznes jasaý týraly oılamaǵan edik. Alaıda, bundaı qadam jasaýǵa bizdiń seriktes bolyp tabylatyn iri saýda jelisi tıisti usynys jasady. Olardyń málimetine qaraǵanda, satyp alynatyn keıbir ónimder qymbat, bul óz kezeginde tutynýshylarǵa da aýyrtpalyq túsiredi. Osy rette bul saýda jelisi kókónister men ózge de ónimderdi tutynýshyǵa qolaıly baǵamen satýǵa mán bermek», - dedi S. Rahymbekova.

Onyń sózine qaraǵanda, atalǵan saýda jelisi úshin ekologııalyq taza organıkalyq ónim daıyndaý týraly kelisim jasaldy, sonymen qatar seriktester ónimniń sapasy boıynsha zerthanalyq naqtylaý sharalaryn óz moınyna alyp otyr.

«ıAǵnı, bizdiń ónim iri saýda jelisinde «KZ Organic» tańbasymen paıda bolady. Bul rette biz barlyq talaptarǵa saı bolýǵa tyrysamyz. Bul saýda jesinde zerthanalyq zertteý múmkindikteri bar. Mysaly, olar bizdiń ónim men Frantsııadan jetkiziletin ónimderdiń sapasyn tekserip, qazaqstandyq ónimniń quramy keıbir dárýmenderge baı ekendigi anyqtaldy. Osy oraıda olar bizdiń ónim jaqsyraq ekenin atap, basymdyq berip otyr», - dedi Saltanat Rahymbekova.

Belgili bolǵandaı, atalǵan rıteılmen memorandým bekitilgen eken. Koalıtsııa organıkalyq ónimdi ashyq egistikterge ósirý usynysyn jasap otyr.

«Arnasaı aýylynda jáne basqa da birneshe eldi mekende baqsha ósirýge jumyssyz júrgen 100 áıeldi tartýdy josparlap otyrmyz. Biz tańdaýly organık-tuqymdardy, organıkalyq tyńaıtqyshtardy jetkizip, tamshylap sýarý tehnologııasyn ornatamyz. Osy joba aıasynda sýdy únemdeýge jol ashatyn gıdrogeldi, agrotalshyqtardy synaqtan ótkizemiz», - dep túsindirdi ol.

Topyraqpen aralasqan gıdrogel kúz jáne qys kezinde jańbyr men qardyń sýyn boıyna sińirip, ósimdikke qajetti ylǵaldy qamtamasyz etedi. Al agrotalshyqtar ósimdiktiń mol ónim berýine qolaıly jaǵdaılar jasaýǵa múmkindik beredi.

S. Rahymbekovanyń paıymynsha, qazirgi kezde organıkalyq ónimdi rastaıtyn Qazaqstanda arnaıy zerthanany qurý máselesi kúntártibinde tur. Onyń málimetine qaraǵanda, elimizdegi organıkalyq ónimdi óndiretin sharýashylyqtar zerthanalyq naqtylaýdy Germanııaǵa, Túrkııaǵa ónim synamalaryn jiberý arqyly alady. Bul zerthanalar astyq sapasymen qatar, topyraq tazalyǵyn jáne basqa da kórsetkishterdi tekseredi.

«Biz bul baǵytta «nelikten ónimdi alysta teksertip júrmiz?» degen máseleni kóterip otyrmyz. Astyq eksporttaýshy iri memlekettiń biri bolǵandyqtan, bizde osyndaı zerthana bolýy tıis. Zerthananyń quny aıtarlyqtaı qymbat. Degenmen de biz osy máseleni kóterip kelemiz»,-dedi ol.