Qazaqstannyń Norvegııadaǵy Qurmetti konsýly konstıtýtsııalyq reformany tarıhı oqıǵa dep atady
«Meniń oıymsha, bılik tarmaqtary arasyndaǵy ókilettikterdi qaıta bólý, Qazaqstan Prezıdentiniń ókilettiginiń bóligin Úkimet pen Parlamentke berý - tarıhı oqıǵa. Qazaqstannyń Prezıdenti Nursultan Nazarbaevtyń arnaıy Úndeýi boıynsha, Mınıstrler kabınetine ekonomıkalyq salada aıtarlyqtaı ókilettik beriletin bolady, al Prezıdent, qorǵanys múmkindikteri, syrtqy saıasat, memleketttik basqarý, Konstıtýtsııany qorǵaý jáne bılik tarmaqtary arasyndaǵy tıimdi jumysty qamtamasyz etý máselelerimen aınalysatyn bolady. Qazirgi tájirıbede - mundaı biregeı saıası sheshim, Qazaqstanda demokratııalyq úderisterdi damytýǵa yqpal etetin bolady dep esepteımin», - deıdi ol.
Sondaı-aq, onyń pikirinshe, Parlament róliniń kúsheıýi jáne Úkimet jumysynyń ashyqtyǵy mańyzdy bolyp tabylady. Atalǵan reformanyń jobasy jalpyhalyqtyq talqylaýǵa usynylǵan faktiniń de mańyzdylyǵy kem emes. Osylaısha, árbir azamat óz memleketiniń damýynyń bolashaq jolyn anyqtaýǵa qatysa alatyn bolady.
«Táýelsizdik jyldary ishinde Qazaqstan úlken nátıjelerge qol jetkizdi jáne prezıdenttik basqarýdyń úlgisinde turaqty jáne básekege qabiletti memleket retinde ózin kórsete bildi. Prezıdenti Nazarbaevtyń usynǵan reformasy - barlyq salalarda Qazaqstannyń odan ári damýyna yqpal etetin parasatty sheshim dep esepteımin», - dedi Mıkkel Dobloýg.