Qazaqstannyń munaı-gaz salasynda memlekettik til saıasatyn damytý qajet - «QazMunaıGaz» kompanııasy

ANA. 7 jeltoqsan. QazAqparat /Arman Asqarov/ - Búgingi tańda otandyq munaı-gaz salasynda memlekettik tildi damytý qajet. Búgin qazaqstandyq mólsherdi damytý jáne kásipkerlikti qoldaý jónindegi Úılestirý keńesiniń otyrysynda «QazMunaıGaz» UK» AQ Bızneske qoldaý kórsetý jónindegi bas menedjeri Serik Elshibekov osylaı aıtty.

Onyń málimeti boıynsha, osy oraıda búginde Norvegııanyń tájirıbesi Qazaqstanǵa úlgi bola alady. «Bul eldiń tili asa aýyr bolǵanyna qaramastan, Norvegııa munaı-gaz salasynda tek memlekettik tildi qoldanyp keledi. Bul - úlken jetistik. Qazaqstanda bolsa, eń birinshi, aǵylshyn tilin bilýdi talap etedi», - deıdi S.Elshibekov.

Kompanııanyń bas menedjeri atap kórsetendeı, kórshi Ázirbaıjan eli otandyq munaı-gaz salasynda qyzmet etip jatqan mamandardyń 80 paıyzyn jergilikti ult ókilderi qurýy tıis degen qaǵıdatty zańdy túrde bekitti.