Qazaqstannyń memlekettik qaryzy shekti mánnen alys - B. Sultanov
Mınıstrdiń aıtýynsha, boryshtardy basqarý el bıýdjetiniń mańyzdy ornyqty parametrleriniń biri bolyp tabylady. «Osy baǵytta halyqaralyq tájirıbe boıynsha qaryzdyń qaýipsizdigin bildiretin shekti mán belgilengen. Osyǵan sáıkes memlekettik qaryz JІÓ 60 paıyzynan aspaýy kerek, al ony tóleý men paıyzdaryn jabý baǵytyndaǵy atqarylatyn qyzmet bıýdjet kirisiniń 15 paıyzynan aspaýǵa tıis. Qazaqstannyń memlekettik qaryzy 2016 jyldyń 1 qańtarynda JІÓ 21,6 paıyzyna teń boldy, al oǵan qyzmet kórsetý 9,8 paıyz. Ózderińiz kórip otyrǵandaı bul shekti mánnen áldeqaıda alys», - dedi mınıstr.
Onyń aıtýyna qaraǵanda, «Memlekettik qaryz» reıtınginde Qazaqstan 134 eldiń arasynda 12 orynda tur. «Árıne, boryshtyq basqarý máselesi udaıy baqylaýda jáne aǵymdaǵy bıýdjettik tujyrymdamaǵa sáıkes aldaǵy ýaqytta tapshylyqty qysqartýǵa baǵyttalǵan jumystar atqarylatyn bolady», - dedi B. Sultanov.