Qazaqstannyń memlekettik qaryzy qaýipsiz deńgeıde tur – Qarjy mınıstri

NUR-SULTAN. QazAqparat – Qarjy mınıstri Erulan Jamaýbaev Qazaqstannyń memlekettik qaryzy qandaı deńgeıde turǵanyn aıtyp berdi, dep habarlaıdy QazAqparat tilshisi.

«2019 jyldyń qorytyndysy boıynsha, jalpy ishki ónimge shaqqanda memlekettik borysh kóleminiń lımıti 50% bolǵanda - 24%-dy qurady. 2020 jylǵy birinshi toqsannyń sońynda bul kórsetkish 25,5% teńesti. 2019 jyly bıýdjetke túsken boryshtyq júkteme 15% lımıttiń 12,9%-yn qurady. Boljam boıynsha, 2020 jyly bul kórsetkish respýblıkalyq bıýdjet kiristeriniń shamamen 13,1%-yn quraıdy, ıaǵnı bul qaýipsiz deńgeı», - dedi Erulan Jamaýbaev OKQ alańy arqyly halyq aldynda esep berý kezinde.

Osylaısha, mınıstr memlekettik boryshty qaýipsiz deńgeıde ustaý úshin barlyq qajetti sharalar qabyldanyp jatqanyn jetkizdi.