Qazaqstannyń memlekettik qaryzy qaýipsiz deńgeıde - mınıstr

ASTANA. QazAqparat - QR Ulttyq ekonomıka mınıstri Tımýr Súleımenov búgin Úkimet otyrysynda Qazaqstannyń memlekettik qaryzy qaýipsiz deńgeıde turǵanyn málim etti, dep habarlaıdy QazAqparat.

«1 mamyrdaǵy jaǵdaı boıynsha, memlekettik qaryz deńgeıi josparlanǵan mejede tur. Ol biz úshin qaýipsiz deńgeıde saqtalǵan jáne 12,3 trln teńgeni nemese JІÓ-ge shaqqanda 24,6%-ti qurap otyr», - dedi ol óz baıandamasynda.

T.Súleımenov atap ótkenindeı, 2017 jyldyń alǵashqy tórt aıynda, ınflıatsııa tómendep, ekonomıkanyń basym salalary ósim kórsetken. Onyń ústine ınvestıtsııalyq belsendilik artyp, halyqaralyq qor deńgeıi ósken.

«Olardyń jyl basyndaǵy kórsetkishi 2,2 protsentke artyp, 92,7 mlrd teńgeni qurap otyr», - dedi mınıstr.

Aldyn ala málimetter boıynsha, qańtar-sáýir aıynda JІÓ deńgeıiniń ósimi 3,7 protsentke deıin ulǵaıǵan. Tımýr Súleımenov baıandamada atalmysh kórsetkishter jyl boıyna saqtalmaýy múmkin ekendigin jetkizdi. Sebebi 2016 jyldyń alǵashqy 5 aıynda JІÓ árdaıym quldyrap keldi jáne 0,2%-ke deıin jetken bolatyn. Sondyqtan tómen baza effektisi saqtalady.

«Sol sebepti alǵashqy jartyjyldyqta bul effekt tolyqtaı taýsylýy bek múmkin jáne jyldyń 2,5 protsenttik ósimge qol jetkizý úshin ósimniń jańa qorlaryn izdestirýimiz kerek bolady», - dep túıdi T. Súleımenov.