Qazaqstannyń medıtsına qyzmetkerleri bir táýlikte 1 myń anany bosandyryp alady
Bul týraly búgin Astanada medıtsına qyzmetkerleriniń kásibı merekesine arnalǵan saltanatty sharada QR Densaýlyq saqtaý mınıstri Salıdat Qaıyrbekova málim etti.
«Bir táýlikte bizdiń áriptester bir myńǵa tarta anany bosandyryp alady. 2 myńnan astam ota jasalady. Olardyń ishinde eń joǵary tehnologııaly operatsııalar da bar. Jedel medıtsınalyq kómek kórsetý qyzmeti táýligine 18 myń márte shaqyrtýlarǵa shyǵady. 7 myńǵa jýyq adam bizdiń statsıonarlyq emdeýde qabyldanady. Qandaı ındýstrııa jáne qandaı aýqymdy jumys ekendigin kórip otyrsyzdar», - dep atap ótti mınıstr.
Onyń aıtýynsha, medıtsına qyzmetkerleriniń joǵary kásibıligi - medıtsınalyq qyzmetterdiń sapasyna tikeleı áser etedi. Mınıstrdiń atap ótkenindeı, jas mamandarǵa úlken úmit artylýda.