Qazaqstannyń mashına jasaýshylarynyń forýmy elordada qyrkúıek aıynda ótedi

NUR-SULTAN. QazAqparat – Elordada qyrkúıek aıynda Qazaqstan mashına jasaýshylarynyń forýmy men mashına jasaý men metall óńdeý boıynsha birinshi halyqaralyq mamandandyrylǵan kórme ótedi, dep habarlaıdy QazAqparat Indýstrııalyq damý jáne ónerkásiptik qaýipsizdik komıtetine silteme jasap.

2020 jyldyń 17-18 qyrkúıeginde Nur-Sultan qalasynda Qazaqstan mashına jasaýshylarynyń VIII forýmy ótedi. Forým aıasynda 2020 jyldyń 16-18 qyrkúıegi aralyǵynda EKSPO halyqaralyq kórme ortalyǵynda mashına jasaý jáne metall óńdeý boıynsha birinshi halyqaralyq mamandandyrylǵan «Kazakhstan Machinery Fair 2020» kórmesi ótedi.

Forýmdy Qazaqstan Respýblıkasy Úkimeti jáne «Atameken» QR UKP qoldaýymen QR Indýstrııa jáne ınfraqurylymdyq damý mınıstrligi, Qazaqstan mashına jasaýshylar odaǵy men «Astana-Ekspo KS» kórme kompanııasy uıymdastyrady.

Forýmǵa 1 myńnan astam delegat, jetekshi qazaqstandyq jáne sheteldik mashına jasaý kásiporyndarynyń basshylary, ortalyq memlekettik organdar, kvazımemlekettik sektor, damý ınstıtýttary, bıznes qaýymdastyqtar jáne mashına jasaý ónimderiniń iri tutynýshylary qatysady dep kútilýde.

Forým men kórme óndiriletin ónimdi tanystyrý, bıznes máselelerin sheshý, sondaı-aq áleýetti seriktestermen jáne tutynýshylarmen jeke baılanys ornatýǵa múmkindik beredi.

Eske sala ketsek, 2019 jylǵy forým «Mashına jasaý – Qazaqstandy ındýstrııalandyrý draıveri» uranymen ótken bolatyn.