Qazaqstannyń mádenıeti men salt-dástúri Afrıkada nasıhattalady

NUR-SULTAN. QazAqparat - Qazaqstannyń mádenıeti, salt-dástúri men óneri Afrıkada tanytylady, dep habarlaıdy QazAqparat TÚRKSOI uıymynyń baspasóz qyzmetine silteme jasap.

Halyqaralyq TÚRKSOI uıymynyń bas hatshysy Dúısen Qaseıinov Kongo Demokratııalyq Respýblıkasymen ózara túsinistik týraly memorandýmǵa qol qoıdy.

Endi túbi bir túrki elderiniń tarıhyn Afrıka qurlyǵy tanıtyn boldy.

Kongonyń Mádenıet, óner jáne mıras mınıstri Ketrın Katýngý Fýrahtyń aıtýynsha, bul qujat mádenıet, óner jáne akademııalyq zertteýler salasynda ortaq jumys atqaryp, jaqyndasýǵa múmkindik beredi.

«Túrki halyqtarynyń muralarymen tanysatynymyzǵa qýanyshtymyn», - dedi ol.

Sondaı-aq TÚRKSOI uıymynyń bas hatshysy Dúısen Qaseıinov halyqaralyq túrki mádenıeti yntymaqastyǵy uıymynyń jobalaryna afrıkalyq ónerpazdar men ǵalymdardyń múshe retinde qatysatynyna qýanyshty ekenin jetkizdi.

Sapar barysynda TÚRKSOI uıymy alǵashqy shara retinde ıÝnýs Emreniń kórmesin ótkizdi.

TÚRKSOI delegatsııasynyń sapary Efıopııa astanasy Addıs-Abeba qalasynda jalǵasty.

Túrki memleketteri elshileriniń qatysýymen jıyn ótip, TÚRKSOI-Afrıka Odaǵy arasynda iskerlik baılanys ornatý máselesi qarastyrylyp, jan-jaqty qoldaý tapty.

Qazaqstannyń Efıopııadaǵy elshisi Barlybaı Sadyqov ta bul bastamanyń jemisti bolatynyna senim bildirdi.