Qazaqstannyń Qytaıǵa et eksportyn arttyrýy: El ishinde et qymbattap ketpeı me

NUR-SULTAN. QazAqparat – Saýda jáne ıntegratsııa mınıstri Baqyt Sultanov Qytaıǵa et tasymaldaýǵa baılanysty azamattardyń alańdaýshylyǵyna qatysty pikir bildirdi, dep habarlaıdy QazAqparat tilshisi.

Ortalyq kommýnıkatsııalar qyzmetinde mınıstrge jýrnalıster Qazaqstannyń Qytaıǵa et eksportyn arttyrýyna qatysty suraq qoıdy. Osy máselege baılanysty azamattar áleýmettik jeliler arqyly óziniń qaýpin bildirip, jekelegen aımaqtarda et baǵasynyń kóterilip ketýine aparyp soqtyrýy múmkin

«Ónimdi eksporttaý – keshendi tapsyrma. Biz eksporttyq akseleratsııa baǵdarlamasyn iske asyryp jatyrmyz. Álbette ónimdi eksportqa shyǵarmas buryn óz elimizdiń ishinde de birshama is tyndyrý kerek. Jalpy eksport týraly aıtar bolsaq, ónimniń kez kelgen túri boıynsha biz ishki qajettilikti qanaǵattandyryp alýymyz kerek. Sodan artylǵan ónim ǵana syrtqa shyǵarylady», - dedi Baqyt Sultanov.

Mınıstrdiń aıtýynsha et boıynsha Qazaqstannyń sharýalary ishki naryqty tolyǵymen qamtamasyz etip otyr.

«Biz et eksportyna, onyń ishinde óńdep jiberýge basa mán berýimiz kerek. Mysalmen keltirip aıtsam: biz 7-den 13 kelige deıingi bıdaıdy bir dollarǵa satýymyz múmkin. Al olar bir keli bıdaıdy óńdelse, ary qaraı 2-2,5 dollarǵa satylýy yqtımal», - dedi Baqyt Sultanov.