Qazaqstannyń qýatty bolýy túrki álemi úshin mańyzdy - qurmetti konsýl

ANKARA. QazAqparat - Qazaqstannyń Túrkııadaǵy Qurmetti konsýly, ekonomıst Halıl Ýlýer Qazaqstan halqyn Táýelsizdiktiń 28 jyldyǵymen quttyqtady, dep habarlaıdy QazAqparat tilshisi.

Halıl Ýlýer 2011 jyldan beri Túrkııadaǵy Qazaqstannyń Qurmeti konsýly qyzmetin atqaryp keledi.

«Ortalyq Azııanyń eń kóne tarıhı, mádenı tarıhyna ıe Qazaqstan Táýelsizdiginiń 28 jyldyǵy qutty bolsyn. Qazaqstan, árıne, tek 28 jyldyq memleket emes, kóne baǵzy tarıhy bar, murasy br memleket. Aldymen, túrki áleminiń aqsaqaly - Nursultan Nazarbaevty, Qazaqstan halqyn jáne Prezıdentin osyndaı ulyq merekemen quttyqtaımyn. Qazaqstan neǵurlym qýatty bolsa, túrki álemi de soǵurlym kúshti bolady. Túrkııanyń da ál-aýqatynyń artýy Qazaqstanǵa jaqsy dep oılaımyn. Biz - jaı ǵana dos memleketter emespiz, baýyrlas halyqtarmyz. Táńiri túrki áleminiń yntymaq-birligin uzaǵynan etsin. Qazaqstan halqyna mol ıgilik bersin», - dedi Qurmetti konsýl.

Aıta keteıik, Qazaqstannyń Táýelsizdigi Túrkııanyń birneshe qalasynda toılandy. Táýelsizdik toıy 11 jeltoqsanda Qazaqstannyń Túrkııadaǵy Elshiliginiń resmı qabyldaýymen bastaldy. Resmı qabyldaýǵa Nur-Sultan qalasy ákimdigi Memlekettik akademııalyq fılarmonııasynyń Qazaq orkestri men «Qorqyt ata» kóne aspaptar saz toby arnaıy keldi.

50-den astam qazaqstandyq ónerpaz Ankara, Nıde, Býrsa, Nıde, Sakarııa jáne Túrkııanyń eń tanymal týrıstik aımaǵy - Kappadokııada óner kórsetti.

Foto: www.instagram.com/haliluluer