Qazaqstannyń Qorǵanys mınıstri Reseı qorǵanys vedomstvosynyń basshysymen kezdesti
22:56, 08 Qarasha 2018
ASTANA. QazAqparat - Syrtqy ister mınıstrleri keńesiniń, qorǵanys mınıstrleri keńesi men UQShU qaýipsizdik keńesi hatshylary komıtetiniń birlesken otyrysyn ótkizý aıasynda QR Qorǵanys mınıstrliginde QR Qorǵanys mınıstri Nurlan Ermekbaev pen Reseı Federatsııasy qorǵanys vedomstvosynyń basshysy Sergeı Shoıgý kezdesti, dep habarlaıdy QazAqparat mınıstrliktiń saıtyna silteme jasap.
Kezdesý barysynda ekijaqty áskerı yntymaqtastyqtyń aǵymdaǵy jáne perspektıvalyq baǵyttary talqylandy.
Kezdesý qorytyndysy boıynsha taraptar 2019-2021 jyldarǵa arnalǵan áskerı salada Qazaqstan Respýblıkasy men Reseı Federatsııasy arasyndaǵy strategııalyq seriktestik baǵdarlamasyna, sondaı-aq eki eldiń qorǵanys vedomstvolary arasyndaǵy 2019 jylǵa arnalǵan áskerı yntymaqtastyq josparyna qol qoıdy.