Qazaqstannyń Qorǵanys mınıstri Máskeýge bardy
«Kezdesý barysynda mınıstrler birlesken jedel jáne jaýyngerlik daıarlyq, normatıvtik-quqyqtyq bazany jáne áskerı-tehnıkalyq yntymaqtastyqty jetildirý jónindegi máselelerdi talqylady.
Resmı sapar aıasynda vedomstvo basshysy 20 mamandyq pen bes mamandaný boıynsha daıyndyq júrgizilip jatqan Reseı Federatsııasy Qorǵanys mınıstrliginiń Áskerı ýnıversıtetine bardy. Ýnıversıtet jumysynyń negizgi baǵyty - shet memleketterdiń qarýly kúshteri úshin onyń ishinde qazaqstandyq kýrsanttardyń mamandaryn daıarlaý», delingen habarlamada.
Áskerı salada eki memleket birlesken áskerı maqsattaǵy ónimdi birlesip jetkizýdi, áskerıler men áskerı-tehnıkalyq kadrlardy daıyndaý jáne oqytýdy, birlesken kásiporyndar, qarý-jaraq pen áskerı tehnıka kórmelerin júzege asyrady.
Áskerı-tehnıkalyq sala mańyzdy bolyp tabylady. Olardyń qatarynda: Reseımen áskerı-tehnıkalyq yntymaqtastyq Qazaqstan úshin tıimdi basymdyq – tikeleı óndirýshi zaýyttardan ishki memlekettik (reseılik) baǵamen qarý-jaraq pen áskerı tehnıkany satyp alýǵa múmkindik beredi.
Qazaqstan men Reseıdiń Qarýly Kúshteri ózara is-qımyl jyldary aralyǵynda, onyń ishinde, UQShU, ShYU jáne Armııalyq halyqaralyq oıyndary sheńberinde birlesip 60-tan asa oqý-jattyǵýǵa qatysty. Bul kúnderi qazaqstandyq pen reseılik armııanyń bólimsheleri qatysyp jatqan «Shyǵys – 2019», «Ortalyq–2019» oqý-jattyǵýlary, sondaı-aq Kaspıı flotılııasy korabldi kúshteriniń birlesken oqý-jattyǵýlary ótýde.
Eske sala ketsek, Qorǵanys mınıstriniń Reseı Federatsııasyna sapary maýsym aıyna josparlanǵanymen, biraq keıinge qaldyrylǵan.
Aıta keterligi, Qazaqstan men Reseıdiń qorǵanystyq ózara is-qımyly ártúrli salalarda, onyń ishinde, áskerı bilim, mamandandyrylǵan daıyndyq, birlesken oqý-jattyǵýlar men jattyqtyrýlardy ótkizý, áskerı-tehnıkalyq yntymaqtastyqtyqtaǵy ózara is-qımylmen sıpattalady. Qazaqstandyq kýrsanttar men QR QK-nyń áskerı qyzmetshileri QR men RF qorǵanys mınıstrlikteri arasyndaǵy kelisim, sondaı-aq UQShU múshe memleketteri úshin áskerı kadrlardy daıarlaý týraly kelisim aıasynda reseılik áskerı oqý oryndarda aqysyz negizde bilim alady.