Qazaqstannyń kóptegen óńirinde demalys kúnderi jańbyr jáne burshaq jaýady

ASTANA. QazAqparat – Aldaǵy demalys kúnderi Qazaqstan aýmaǵy atmosferalyq aýa aǵyndarynyń yqpalynda bolady, saldarynan aýa raıy qubylyp turady, dep habarlaıdy QazAqparat «Qazgıdromet» RMK baspasóz qyzmetine silteme jasap.

Sınoptıkterdiń boljamynsha, bulttardyń yqpalymen naızaǵaı oınap, jańbyr jaýady, daýyl soǵyp, burshaq jaýýy yqtımal.

26 maýsymda soltústikte, 24-25 maýsymda shyǵysta, 24 jáne 26 maýsymda elimizdiń ońtústik-shyǵysynda qatty nóser jaýyp, Qazaqstannyń ońtústik-shyǵysynda shańdy daýyl soǵady. 26 maýsym túnde soltústik-batysta topyraq betinde 1 gradýs úsik júredi.

Temperatýrada aıtarlyqtaı ózgeris joq.