Qazaqstannyń kólik qurastyrý salasy ımportty ysyra ala ma
«Kólik salasyna tereń taldaý júrgizip kórdik. Máselen, qurylǵylardyń birshama úlesin úlken jobalar boıynsha TShO (Teńizshevroıl) satyp alady. Álbette, ken nemese munaı óndirý salasynda «Caterpillar» shyǵaratyn (arnaıy tehnıka shyǵaratyn alyp korporatsııa) arnaıy tehnıka kerek bolýy múmkin. Al bizde qazir energokólikquraý salasynda múmkindikter barshylyq. Sózsiz, bul turǵyda otandyq qajettiliktiń 80-85 paıyzyn «Alageum Electric» holdıngi jaýyp otyr. Oǵan qarasty 7 zaýyt qajettilikti tolyq óteýi múmkin. Biraq, munda másele – qadaǵalaýda otyrǵan memlekettik satyp alýdyń ózinde podstansalar men transformatorlardy ókinishke qaraı, shetelden ımporttap otyrǵandar bar», - dedi Abylaı Myrzahmetov.
Onyń aıtýyna qaraǵanda, ekinshiden otandyq avtokólik quraý salasynda da aıtýly jobalar barshylyq. Eldegi «Saryarqaavtoóndiris», «Bıpek», «Azııa avto» sekildi kólik óndiretin iri kompanııalar memlekettiń qoldaýymen óndirisin jolǵa qoıyp alǵan.
«Biraq lokalızatsııanyń, ıaǵnı jappaı satýdyń aýqymdy deńgeıin kórip otyrǵan joqpyz. Dese de, tapsyrystar joq emes. «Saryarqaavtoóndiris» kompanııasyna salmaqty ınvestordyń kirgeninen habardarsyzdar. Sonymen birge, «Astana Motors» kompanııasy kelesi jyldyń qyrkúıeginen bastap ındýstrııalyq aýmaqty iske qospaq. Olar iri torapty quraý men boıaý jumysyn atqaryp qana qoımaı, «Hyundai» kompanııasymen birge Qazaqstannan tys naryqty kózdeıdi. Qazaqstanda kólikke suranys aıtarlyqtaı úlken emes. Olar kólikti Reseı men Ózbekstanǵa shyǵarýdy josparlaýda», - dedi ol.
Osylaısha, kólik salasynda iri kompanııalar plastıkten oryndyq, bamper jasap, óndiris aýqymyn keńeıtýdi josparlaǵan.
«Onyń ústine Qazaqstanda bıyl shyny zaýyty iske qosylsa, ındýstrııa suranysty arttyra beredi. Sonymen birge aýyl sharýashylyǵy salasyndaǵy kólikti quraý isin jetildirý úshin «Claas» pen «John Deere» kompanııalarymen kelissózder júrgizilýde. Mine, osy salalarda kólik quraý isin damyta alamyz», - dedi ol.
Eske sala ketsek, elimizde «Atameken» Ulttyq kásipkerler palatasy janynan ımportty almastyrý jónindegi keńes qurylady. Keńes alańynda bıznes-qoǵamdastyq ýákiletti memlekettik organdarmen, uıymdarmen birlesip, jergilikti qamtýdy jáne retteletin satyp alý júıesin, kedendik-tarıftik saıasatty, tehnıkalyq retteý, shıkizat bazasyn damytý, ınfraqurylymdyq damý, memlekettik qoldaý sharalarynyń tıimdiligin arttyrý, ónerkásiptik kooperatsııany damytý, sondaı-aq óńdeý ónerkásibi damýyna baılanysty basqa máselelerdi talqylaıdy.