Qazaqstannyń kıeli jerleri boıynsha týrıstik nysandar qurylady
Atalǵan ekspedıtsııa 2018 jylǵy 18 shilde men 29 qyrkúıek aralyǵynda 6 baǵyt boıynsha 6 týrıstik klasterdi qamtı otyryp, mańyzdy tabıǵı nysandarǵa barý arqyly ótkiziledi.
Týrıstik baǵyttar «Tıan-Shan marjany» - Almaty oblysy; «Altaı - órkenıet besigi» - Shyǵys Qazaqstan oblysy; «Jońǵar Alataýy» - Almaty oblysy, «Saryarqa» - Aqmola, Pavlodar, Qaraǵandy, Qostanaı oblystary; «Teńizden teńizge deıin» - Qyzylorda, Aqtóbe, Mańǵystaý oblystary; «Jańa Jibek joly» - Túrkistan, Jambyl, Almaty oblystary aýmaqtaryn qamtıdy.
«Biz qazaqstandyqtardyń óz týǵan jerin tanýǵa qyzyǵýshylyǵy artyp kele jatqanyn baıqap júrmiz. Elimizdiń tabıǵaty erekshe - munda taý da, jazyq dala da, orman da, kól de, ózen de bar. Sondyqtan biz Altaıdan Jibek jolyna deıingi aralyqty qamtıtyn ekspedıtsııany uıymdasytyryp jatqanymyzdy maqtan etemiz. 3 aı ishinde kásibı mamandardan quralǵan top elimizdiń eń qyzyqty jerlerin aralap, olar týraly qazaqstandyq jáne sheteldik týrısterge baıandaıtyn bolady. Ekspedıtsııa sonymen qatar, sol jerlerdegi týrızmdi ary qaraı damytý úshin qajetti ınfraqurylymdyq sheshimderdi tabýǵa múmkindik beredi», - dedi «Kazakh Tourism» UK» AQ basqarma tóraǵasy Rashıd Kúzembaev OKQ-da ótken baspasóz máslıhatynda.
Ekspedıtsııa nátıjesinde elimizdiń tabıǵı nysandary týraly jańa týrıstik baǵyttar, sapaly foto jáne vıdeobankter qurylady. Sonymen qatar, ekspedıtsııa barysynda qamtylǵan tabıǵı nysandar boıynsha ıllıýstratsııalanǵan jolnusqa jasalatyn bolady.