Qazaqstannyń keıbir qalalarynda jylý jelileriniń jumysy ótkir kúıinde qalyp otyr
Búgin Úkimet otyrysynda Indýstrııa jáne jańa tehnologııalar vıtse-mınıstri Baqytjan Jaqsalıev osylaı málim etti.
«Byltyrǵy jylytý maýsymynda jarylý saldarynan Almaty, Petropavl, Oral jáne basqa da qalalarda tutynýshylardy jylýmen qamtamasyz etý shektelgen edi. Soǵan baılanysty ákimdikterge jylý qysymynyń synaqtaryn ótkizýdi der kezinde qamtamasyz etip, ondaǵy «osal» tustardy anyqtap, birden joıýdy tapsyrǵan oryndy dep sanaımyz», - deıdi vıtse-mınıstr.
Onyń sózine qaraǵanda, jylý jelileriniń basty problemalarynyń biri qondyrǵylar parkin udaıy arttyrýǵa baılanysty da oryn alyp keledi. «Degenmen, Kókshetaý, Jitiqara, Óskemen, Oral, Aqtaý, Arqalyq, Pavlodar, Petropavl, Almaty, Qaraǵandy, Shymkent qalalarynda jylý jelileri boıynsha josparlanǵan jóndeý jumystary áli de tómen kórsetkishke ıe bolyp otyr. Jóndeý jumystarynyń mundaı qarqyny saqtalsa, aldaǵy ýaqytta tozyǵy jetken jylý jelileriniń sany arta beredi», - dedi B. Jaqsalıev.