Qazaqstannyń keı aýmaqtarynda joldar ashyldy
10:00, 07 Naýryz 2021
NUR-SULTAN. QazAqparat – Aýa raıynyń ońala túsýine baılanysty elimizdiń keı óńirlerinde joldar ashylyp, kólik qozǵalysy qalpyna keltirildi, dep habarlaıdy QazAqparat.
07.03.2021 kúni 08.00-den bastap Shyǵys Qazaqstan oblysyndaǵy «Óskemen-Altaı-Rahman shoqysy» tasjolynyń 7-66 shaqyrymy, Ýshanovskoe aýyly-Altaı qalasy aýmaǵynda kólik qozǵalysy qalpyna keltirildi.
07.55-ten bastap «Atyraý-Oral» avtojolynyń 375-492 shaqyrymy, Chapaevo aýyly-Oral qalasy aýmaǵyndaǵy jol bóligi ashyldy.
08.20-dan bastap «Pavlodar-Ýspenka-RF shekarasy» tasjolynyń 0-152 shaqyrymy, Pavlodar qalasy-RF shekarasy aýmaǵynda kólikterdiń qozǵalysyna ruqsat berildi.
8.00-den «Samara-Shymkent» avtojolynyń 776-965 shaqyrymy, Belogradka aýyly-Qarabutaq aýyly aýmaǵynda kólik qozǵalysy jandandy.