Qazaqstannyń qaı salalarynda jemqorlyq qylmysy kóp kezdesedi

NUR-SULTAN. QazAqparat - Sybaılas jemqorlyqqa qarsy is-qımyl agenttiginiń tóraǵasy Alık Shpekbaev elimizde qaı salada jemqorlyq órship turǵanyn aıtty, dep habarlaıdy QazAqparat tilshisi.

«Búgingi tańda Qazaqstanda memlekettik qyzmetterdiń 88%-y elektrondy túrde kórsetiledi. Bir qaraǵanda, bul jaqsy kórsetkish, biraq tek qaǵaz júzinde kórsetiletin 12%-da eń joǵary jasyryn sybaılas jemqorlyq táýekelderi bar. Atap aıtqanda, jer qatynastary, sáýlet, qurylys, aýyl sharýashylyǵy taýarlaryn óndirýshilerdi sýbsıdııalaý salalaryndaǵy memlekettik qyzmetter áli kúnge deıin sybaılas jemqorlyqtyń sarqylmas kózi bolyp otyr», - deıdi Alık Shpekbaev.

Ol ákimdikter vedomstvolyq baǵynysty tabıǵı monopolııalar sýbektileri kórsetetin qyzmetterdi avtomattandyrý máselesin sheshýi qajet ekendigin aıtty.

«Bul kúndelikti ómirde ár adam, sonyń ishinde kásipkerler de tap bolatyn jaryq, sý, jylý, gaz máseleleri.Tek bıznes-úrdisterdi tolyq tsıfrlandyrý ǵana barlyq sybaılas jemqorlyq joldaryn jabýǵa múmkindik beredi», - deıdi ol.