Qazaqstannyń qaı óńirlerinde ınflıatsııa qarqyny basym – Ulttyq bank málimetteri

NUR-SULTAN. QazAqparat - 2022 jylǵy aqpanda elde jyldyq ınflıatsııa 8,7% (qańtarda – 8,5%) qurap, jedeldeı tústi. Jyldyq ınflıatsııa 9 aımaqta qarqyn aldy, 3 oblysta baıaýlap, 5 óńirde kórsetkish ózgerissiz qaldy.

Bul týraly 2022 jylǵy aqpandaǵy QR aımaqtaryndaǵy ınflıatsııalyq úrdister týraly QR UB Aqsha-kredıt saıasaty departamenti naqty sektordyń monıtorıngi basqarmasynyń bastyǵy Igor Osıpovtyń túsindirmesinde aıtylǵan dep habarlaıdy QazAqparat Ulttyq banktiń resmı saıtyna silteme jasap.

Inflıatsııanyń anaǵurlym qarqyn alý kórsetkishi Túrkistan oblysynda (qańtardaǵy 8,4%-dan aqpanda 9,2%-ǵa deıin) tirkeldi, al baıaýlaý úrdisi Aqtóbe (9,2%-dan 9,0%-ǵa deıin) men Atyraý (8,7%-dan 8,5%-ǵa deıin) oblystarynda baıqaldy.

Aqpanda azyq-túlik taýarlar baǵasynyń ósý qarqyny 10,0%-ǵa deıin (qańtarda – 9,9%) ulǵaıdy. Osy toptaǵy taýarlar baǵasynyń eń joǵary ósimi Aqmola oblysynda (11,7%) tirkeldi.

Azyq-túlikke jatpaıtyn taýarlar baǵasynyń ósý qarqyny da 8,6%-ǵa deıin (qańtarda – 8,5%) ulǵaıdy. Eń joǵary mán Aqtóbe oblysynda (10,2%), al eń az mán Mańǵystaý oblysynda (7,2%) tirkeldi.

Aqyly qyzmettiń quny aqpanda 7,1%-ǵa ósti (qańtarda - 6,8%), bul rette jalpy respýblıkalyq deńgeıden birshama joǵary baǵa – Shyǵys Qazaqstan oblysynda (9,0%), al birshama tómen – Aqtóbe oblysynda (5,2%) ósti.

Elde aılyq ınflıatsııa 0,8% boldy, bul – sońǵy 5 jylda (2017-2021 jyldarda – 0,7%) aqpandaǵy baǵanyń ortasha máninen joǵary. Ortasha tarıhı normasynan joǵary baǵa 2022 jylǵy aqpanda Túrkistan oblysynda (1,3%), Nur-Sultan qalasynda (1,2%), Qaraǵandy oblysynda (1,1%), Shyǵys Qazaqstan oblysynda (0,9%), Qyzylorda oblysynda (0,8%), Almaty (0,7%), Qostanaı (0,7%), Batys Qazaqstan, Jambyl jáne Mańǵystaý (0,6%-dan) oblystarynda ósti.

Aqmola oblysy men Almaty qalasynda baǵanyń ósý qarqyny óziniń ortasha normasyn saqtap qaldy. Qalǵan aımaqtarda óziniń ortasha normasynan tómen qalyptasty.