Qazaqstannyń qaı qalalarynda turǵyn úı baǵasy joǵary

ASTANA. QazAqparat - Resmı statıstıka boıynsha 2016 jyldyń qarashasynda respýblıkada jańa turǵyn úıdegi bastapqy/árlengen páterlerdiń jalpy alańynyń bir sharshy metri orta eseppen 248 189 teńge bolyp belgilendi. Bıylǵy qazanmen salystyrǵanda (249,6 myń teńge) jańa turǵyn úı baǵasy 0,4%-ǵa, jyl basynan beri 3,3%-ǵa tómendedi, dep habarlaıdy QR UEM baspasóz qyzmeti.

Ekinshi naryqtaǵy turǵyn úı (abattandyrylǵan turǵyn úıdi qaıta satý) 2016 jyldyń qarashasynda osy jyldyń qazanymen salystyrǵanda (sharshy metri 189 881 teńge) 0,6% tómendedi jáne bir sharshy metri 188 795 teńgeni qurady.

Sonymen qatar abattandyrylmaǵan turǵyn úıdi qaıta satý 2016 jyldyń qazanymen (sharshy metri 115 172 teńge) salystyrǵanda 0,2% artyp, bir sharshy metri 115 371 teńgeni qurady.

Abattandyrylǵan turǵyn úıdi jalǵa berý qarashada (sharshy metri 1281 teńge) aldyńǵy aımen salystyrǵada 0,2% tómendedi jáne bir sharshy metri 1278 teńgeni qurady.

2016 jyldyń qarashasynda jańa turǵyn úı baǵasy Astana, Atyraý, Almaty, Aqtaý men Shymkentte (aıyrmashylyqtyń kemýi shamasymen) respýblıkalyq orta deńgeıden joǵary boldy. Sonymen birge, qazanmen salystyrǵanda baǵanyń 4%-ǵa tómendeýine qaramastan, Aqtaýda burynǵydaı jańa turǵyn úıdiń sharshy metriniń baǵasy respýblıka boıynsha orta deńgeıden 20%-ǵa artyq boldy. Osyǵan uqsas jaǵdaı Atyraýda oryn alyp, aldyńǵy aımen salystyrǵanda baǵanyń 8%-ǵa tómendeýine qaramastan, respýblıka boıynsha jańa turǵyn úıdiń sharshy metri 31,5% qymbattaǵany baıqaldy. Astanada qazanmen salystyrǵanda baǵa ózgergen joq, biraq burynǵydaı respýblıka boıynsha alǵanda ortasha baǵadan 37%-ǵa derlik joǵary. Jańa turǵyn úı baǵasynyń eń tómengi quny Jezqazǵan men Taldyqorǵanda 90 000 teńge deńgeıinde saqtaldy. Bul - «Óńirlerdi damytý-2020» baǵdarlamasy aıasynda salynǵan turǵyn úıdiń baǵasy. Sondaı-aq, qarashada Qostanaıda (4,7%), Shymkentte (2%) jáne Pavlodarda (1,3%) jańa úıdiń sharshy metriniń baǵasynyń 2016 jyldyń qazanymen salystyrǵanda joǵarylaýy baıqaldy, degenmen tek Shymkentte baǵa orta respýblıkalyq deńgeıden joǵary.

Ekinshi naryqtaǵy (abattandyrylǵan turǵyn úıdi qaıta satý) baǵa bir aıda Almatyda ózgergen joq, biraq respýblıka boıynsha eń joǵary - sharshy metri 337,3 myń teńge, ıaǵnı orta respýblıkalyq deńgeıden 80%-ǵa joǵary. Abattandyrylǵan turǵyn úıdi qaıta satý boıynsha eń tómengi baǵa qarashada Qyzylordada tirkeldi - sharshy metri 123,6 myń teńge, ıaǵnı qazannan beri ózgergen joq.

Abattandyrylǵan turǵyn úıdi jalǵa berýdiń bir aıda ózgeriske túspegen eń joǵary baǵasy qarashada dástúrli túrde Astanada tirkeldi - sharshy metri 2394 teńge, bul respýblıka boıynsha orta deńgeıden 2

ese joǵary. Qazannan beri ózgermegen eń tómengi baǵa Tarazda tirkeldi - sharshy metri 836 teńge.

Turǵyn úı naryǵyndaǵy baǵanyń ózgerýi

kezeń sońyna, ótken jylǵy jeltoqsanǵa paıyzben,

ósýi +, tómendeýi -  

	2008	2009	2010	2011	2012	2013	2014	2015	2016 jylǵy qarasha
Jańa turǵyn úılerdi satý	-8,7	-6,9	4,4	7,1	12,1	9,6	11,5	15,8	-3,3
Abattandyrylǵan turǵyn úılerdi alyp satý	-20,4	-6,7	5,1	4,3	16,8	13,8	17,6	9,1	-0,6

Turǵyn úı naryǵyndaǵy baǵa

paıyzben, ósýi +, tómendeýi - 

	1 sharshy metriniń baǵasy, teńge	2016 jylǵy qarasha				2016 jylǵy qańtar-qarasha 2015 jylǵy qańtar-qarashaǵa
		2016 jylǵy qazanǵa	2015 jylǵy qarashaǵa	2015 jylǵy jeltoqsanǵa	2010 jylǵy jeltoqsanǵa
Jańa turǵyn úılerdi satý	248 189*	-0,4	0,3	-3,3	64,3	11,1
Abattandyrylǵan turǵyn úılerdi alyp satý	188 795	-0,6	1,0	-0,6	76,9	8,8
Abattandyrylmaǵan turǵyn úılerdi alyp satý	115 371	0,2	5,0	3,6	87,5	11,8
Abattandyrylǵan turǵyn úıdi jalǵa alý tólemi	1 278	-0,2	-0,4	-0,2	52,7	1,8

^*Bastapqy, taza árlengen páterlerdiń jalpy aýdanynyń bir sharshy metriniń respýblıka boıynsha ortasha baǵasy.