Qazaqstannyń Qarjy mınıstri Beıjińdegi áriptesimen kezdesti

BEIJІŃ. QazAqparat - 27-28 sáýirde qytaı tarapynyń shaqyrtýymen QR Qarjy mınıstri Baqyt Sultanov Beıjige resmı saparmen bardy, dep habarlaıdy «QazAqparat» HAA-niń Qytaıdaǵy menshikti tilshisi.

QHR-nyń Qarjy mınıstri Lıý Kýnmen kezdesýi barysynda eki eldiń qazirgi ekonomıkalyq jaǵdaıy, «Bir beldeý, bir baǵyt» bastamasynyń aıasyndaǵy birlesken qımyldar, «Nurly jol» baǵdarlamasy, qarjy naryqtarynyń qyzmeti men olar kórsetetin qyzmet túrleri, sondaı-aq «Astana» Halyqaralyq qarjy ortalyǵynyń jaǵdaıy sóz boldy.

Baqyt Sultanov «Bir beldeý, bir baǵyt» jáne «Nurly jol» baǵdarlamasynyń arqasynda belsendi ınvestıtsııalyq yntymaqtastyq ornap, iri jobalardy júzege asyrýǵa ınvestıtsııalar tartylyp jatqanyn aıtty.

Taraptar jaqyn bolashaqta ózara túsinistik pen yntymaqtastyq jóninde vedomstvoaralyq memorandým jasaýǵa kelisti.

Beıjige sapary aıasynda Baqyt Sultanov QHR-nyń Qundy qaǵazdardy retteý jónindegi komıssııa tóraǵasy Lıý Shııýmen jáne Bas keden basqarmasynyń basshysy Nı Iefenmen jáne QHR-dyń «Eksım bankiniń» vıtse-prezıdenti Sýn Pınmen kelissózder júrgizdi.