Qazaqstannyń Qarýly Kúshterinde qorytyndy tekserý bastaldy
Ol bólimshelerdiń jaýyngerlik ázirligi men jaýyngerlik qabiletiniń deńgeıin baǵalaý úshin óńirlik qolbasshylyqtardyń barlyq áskerı bólimderi men quramalarynda ótkizilýde.
Negizgi maqsaty jeke quramnyń mashyǵyn, vzvodtardyń, rotalardyń, quramalar men bólimder batalondary basqarmalarynyń deńgeıin, bólimshelerdiń qysqa merzimde qoıylǵan jaýyngerlik tapsyrmalardy oryndaýǵa ázirlikterin tekserý bolyp tabylady.
Sonymen qatar atalmysh shara oqý-jaýyngerlik tapsyrmalardy pysyqtaý, jaýyngerlik daıarlyq josparlary men baǵdarlamalaryn oryndaý barysynda bólimsheler men olardyń basqarý organdarynyń jaýyngerlik daıarlyǵy men úılesimdiliginiń deńgeıin baǵalaý bolyp tabylady.
Qorǵanys mınıstrligi arnaıy keshendi komıssııa qurdy. Olar elimizdiń barlyq óńirlerine jiberildi. Qorytyndy tekseris úsh kezeńde ótkiziledi. Tekseriske shtattyq jaýyngerlik tehnıkamen jaýyngerlik oq atýlar men taktıkalyq oqý-jattyǵýlardy ótkize otyryp, óńirlik qolbasshylyqtardyń, batalondardyń (dıvızıondardyń) barlyq basqarmalary, vzvodtar, rotalar (batareıalar) men olarǵa teńestirilgender tartyldy.
Oqytý pánderi boıynsha sabaqtar bólimderdiń udaıy ornalasý pýnktterinde jáne oqý-jattyǵý ortalyqtary men polıgondarda ótýde. Tekseriletin pánderdiń qatarynda atys, taktıkalyq, arnaıy daıyndyq, jaýyngerlik mashınalardy júrgizý, áskerı topografııa, ınjenerlik, dene jáne saptyq daıarlyq bar.
Komıssııa sondaı-aq qarý-jaraq pen áskerı tehnıkanyń jaı-kúıin, baǵynysty quramalarda jaýyngerlik daıarlyqty basshylyqqa alý boıynsha laýazymdy adamdardyń jumysynyń uıymadstyrylý júıesin, jaýyngerlik jáne jumyldyrý ázirligin tekseredi. Ár áskerı qyzmetshige jeke dara tártipte jáne bólimsheler quramynda teorııa júzinde ǵana emes, sonymen birge, praktıka júzinde emtıhandar tapsyrýǵa týra keledi.