Qazaqstannyń Qarýly Kúshteri Áskerı paradqa daıyndyqty bastady
«Qazirgi tańda «Otar» 40-shy áskerı baza aýmaǵynda Qazaqstan Respýblıkasy Qarýly Kúshteriniń áskerı bólimderi men qurylymdarynyń jeke quramy men áskerı tehnıkasy jınalyp jatyr», - delingen vedomstvonyń habarlamasynda.
Áskerı bólimder Otan qorǵaýshylar kúnin merekeleý qarsańynda «Matybulaq» polıgonynda QR Qarýly kúshteriniń jabdyqtalǵan qazirgi zamanǵy qarý-jaraqtary men áskerı tehnıkasyn taktıkalyq jáne praktıkalyq qoldanylýy barysynda óz sheberlikterin kórsetedi.
Psıhologııalyq jáne áskerı daıyndyǵy turǵysynan eń jaqsy daıyndalǵan áskerı qyzmetshilerdi irikteý jer-jerlerdegi pýnktterde júzege asyryldy.
Jattyǵý barysynda saltanatty qoraptardy ornalastyrý reti jasalyp, paradqa qatysýshylardyń quttyqtaý elementteri irikteldi, tý alyp ótý, sondaı-aq jeke quramnyń saltanatty marshpen júrý tártibi anyqtaldy. Paradqa daıyndyqty qamtamasyz etý úshin turýǵa qajetti barlyq jaǵdaılary bar lagerler tigildi.
2018 jyly Áskerı paradqa 3 myń áskerı qyzmetshi, 300-den astam qarý-jaraq pen áskerı tehnıka, 30 ushaq qatystyrylady.
Eske sala ketsek, 2013 jyly «Otar» 40-shy áskerı bazasynda Qazaqstan Qarýly Kúshteri tarıhynda alǵash ret áskerı parad ótken bolatyn. Sharaǵa Qazaqstan Prezıdenti - QR Qarýly Kúshteriniń Joǵarǵy Bas Qolbasshysy Nursultan Nazarbaev qatysty.