Qazaqstannyń karantın kezindegi taýar qaýipsizdigi web-platformasy iske qosyldy
«QR Saýda jáne ıntegratsııa mınıstrligi BTS kompanııasymen birlesip «karantın kezindegi taýar qaýipsizdigi» web-platformasyn (www.dosmart.kz) ázirledi. Platforma onlaın rejımde áleýmettik mańyzy bar azyq-túlik taýarlarynyń baǵasyn monıtorıngileýge jáne árbir óńirdegi qoımalardaǵy osy taýarlardyń qaldyq sany týraly málimetterdi kórýge múmkindik beredi. Bul azyq-túliktiń ýaqytyly aımaqaralyq aǵynyn qamtamasyz etýge múmkindik jasaıdy«, - dep atap ótedi mınıstrlikten.
Platformaǵa derekterdi jergilikti atqarýshy organdar da, óndirýshiler de, kóterme satýshylar men rıteılerler de engize alady. Sonymen qatar, dúkenderdegi baǵalar týraly aqparatty qarapaıym satyp alýshylardyń da berýine múmkindik jasalǵan. Al osy ýaqytqa deıin tutynýshylardan ishki naryqtaǵy baǵalar týraly aqparat jedel jelige kelip túsken qońyraýlar men Telegram-kanal habarlamalary negizinde taldanyp kelgen edi.
«Osylaısha, memlekettik organdar onlaın baqylaýdy ǵana emes, sondaı-aq áleýmettik mańyzy bar taýarlarǵa baǵalar men qorlardy Avtomatty taldaýmen qamtamasyz etiletin bolady. Biz barlyq azamattardy monıtorıngtiń negizin qurý úshin www.dosmart.kz jańa «karantın kezindegi taýar qaýipsizdigi» veb-platformasyn paıdalanýǵa shaqyramyz», -delingen vedomstvo taratqan aqparatta.