Qazaqstannyń qandaı ulttyq kompanııalary IPO-ǵa shyǵýdy josparlap otyr
Bul týraly QR Strategııalyq josparlaý jáne reformalaý agenttiginiń tóraǵasy Qaırat Kelimbetov aıtyp berdi, dep habarlaıdy QazAqparat tilshisi.
«Qazir biz Úkimette «Samuryq-Qazyna» UÁQ bóligi bolyp sanalatyn qazaqstandyq ulttyq kompanııalardy jekeshelendirý jáne IPO-ǵa shyǵýyn jedeldetý múmkindikterin talqylap jatyrmyz. «Samuryq-Qazyna» «QazMunaıGaz», «Qazaqstan Temir Joly», «Qazatomónerkásip» sııaqty kompanııalar aktsııalarynyń paketterin jekeshelendirýdi 2022-2023 jyldarǵa josparlaǵan. Bulaı aýystyrýdyń sebepteri – jalpy ótken jyldardaǵy baǵa konıýnktýrasy, sondaı-aq pandemııanyń jahandyq retsessııaǵa, jahandyq ekonomıkanyń damýyna áseri bolyp otyr.
Biraq menińshe, munaı baǵasynyń jaǵdaıy bıyl oń boljansa (ortasha baǵasy barreline shamamen 65 dollar), bul protsester jedeldeýi múmkin. Biraq ázirge bul 2022-2023 jyldarǵa josparlanǵan», - dedi Qaırat Kelimbetov Ortalyq kommýnıkatsııalar qyzmetinde ótken baspasóz máslıhatynda.
Spıkerdiń aıtýynsha, 2021 jyly Qazaqstannyń keıbir jeke kompanııalary aktsııalaryn AHQO bırjasy alańynda ornalastyrýdy jalǵastyrady dep kútilýde.