Qazaqstannyń ІT jetistikteri Portýgalııada kórsetildi

ASTANA. QazAqparat - Búgin Portýgalııa astanasy Lıssabonda Qazaqstannyń aqparattyq kommýnıkatsııalyq tehnologııalar salasyndaǵy jetistikterin kórsetiletin trend jumysyn bastady. Bul shara WebSummit-2017 konferentsııasy aıasynda ótýde, dep habarlaıdy QazAqparat Qazaqtelekomnyń baspasóz qyzmetine silteme jasap.

Atalǵan kompanııanyń feısbýktegi resmı paraqshasynda habarlanǵandaı, keshe bastalǵan jahandyq sharada tórt kún boıy álemniń iri tehnologııalyq kompanııalarynyń ókilderi, túrli elderdiń mınıstrlikteri men keńseleriniń basshylary, iri ınvestorlar, qoǵam qaıratkerleri jáne kóptegen ózge de mamandar kezdesýler ótkizip, álemdik qoǵamdastyqqa tehnologııa salasyndaǵy jańalyqtardy usynyp, ózekti trendterdi talqylaıdy.

Web Summit 2017 baǵdarlamasyna bıyl 21 konferentsııa enip otyr. Olardyń arasynda MoneyConf (qarjy), Future People (jaqyn bolashaq tehnologııalary), AutoTech (avtomobıl salasy), Modum (sulýlyq jáne feshn), PandaConf (marketıng), MusicNotes (mýzyka), TalkRobot (robottar) sektsııalary kóptiń nazaryn tartyp otyr.

Veb-sammıtke 170 elden kelgen 60 myńnan astam ókil qatysyp jatyr, 1000-nan astam spıker baıandama jasaıdy. Olardyń arasynda «Intel» basshysy Braıan Krjanıch, «Oracle» korporatsııasy dırektorlar keńesiniń teńdırektory ári múshesi Mark Herd jáne «Microsoft» prezıdenti Bred Smıt bar.