Qazaqstannyń ІT-kompanııalary sheteldikterge 69,6 mlrd teńgege qyzmet kórsetken

ASTANA. QazAqparat – Qazaqstanda 2022 jyly kórsetilgen IT qyzmetterdiń kólemi 946,2 mlrd teńgeni qurady, bul 2021 jylmen salystyrǵanda 300 mlrd teńgege kóp (645,9 mlrd tg), dep habarlaıdy QazAqparat Ulttyq statıstıka bıýrosyna silteme jasap.

IT-qyzmetter negizinen zańdy tulǵalarǵa kórsetilgen – qyzmetterdiń 82,1%, taǵy 4% - jeke tulǵalarǵa, 13,9% – rezıdent emes tulǵalarǵa.

Rezıdent emes tulǵalarǵa kórsetiletin ІT-qyzmetter boıynsha qyzmettiń basym bóligi AQSh (31,6 mlrd teńge), Shveıtsarııa (26 mlrd teńge) jáne Ulybrıtanııaǵa (12 mlrd teńge) kórsetilgen. Derekter ІT-qyzmet usynatyn zańdy tulǵalar arasynda jappaı zertteý jáne dara kásipkerler arasynda irikteme zertteý negizinde jınalǵan aqparatty qamtıdy.

Kórsetilgen IT-qyzmetterdiń túrleri boıynsha eń úlken kólem baǵdarlamalyq jasaqtamany ázirleýge (257,7 mlrd teńge) tıesili. Odan keıin oryndarda – basqa toptamalarǵa engizilmegen aqparattyq tehnologııalar men aqparattyq júıeler salasyndaǵy qyzmettiń basqa da túrleri (201,3 mlrd teńge); qosymshalardy ornalastyrý jáne osyǵan baılanysty qyzmetter (146,5 mlrd teńge).

Óńirlik bóliniste ІT qyzmetterdiń negizgi úlesi, ıaǵnı 88,2% Almaty (478,7 mlrd teńge) jáne Astana (356 mlrd teńge) qalalarynyń kompanııalaryna tıesili.