Qazaqstannyń isker áıelderi «Nur Otan» partııasyn jeńisimen quttyqtady

ASTANA. QazAqparat - Qazaqstannyń isker áıelder qaýymdastyǵynyń prezıdenti Raýshan Sársembaeva Parlament Májilisi depýtattary saılaýynda «Nur Otan» partııasynyń jeńisimen Memleket basshysy Nursultan Nazarbaevty quttyqtady.

«Qazaqstannyń isker áıelder qaýymdastyǵy bıznestegi názik jandylardyń atynan «Nur Otan» partııasynyń aıqyn jeńisimen Memleket basshysyn quttyqtaımyz. Ótken saılaý el aldynda Ult kóshbasshysymen qoıylǵan barlyq strategııalyq maqsattar men mindetterdi júzege asyrý jolynda mańyzdy tarıhı oqıǵaǵa aınaldy»,-dedi ol Ortalyq kommýnıkatsııalar qyzmetindegi brıfıngte.

Osy rette ol partııa jeńisi barsha halyqtyń jeńisi ekenin aıta kele, Táýelsizdik jyldarynda Prezıdenttiń basshylyǵymen Qazaqstan úlken jetistikterge qol jetkizgenin atap ótti.

«Nur Otan» partııasymen birge jańa Parlament jasampazdyq pen damý saıasatyn jalǵastyryp, alǵa baǵyttalǵan prezıdenttik reformalardy ary qaraı júzege asyrýdyń sapaly kórsetkishterin aıtarlyqtaı arttyra túsedi dep senemiz»,-dedi ol.

Sóz sońynda Raýshan Sársembaeva qaýymdastyq eldiń bıznes-qoǵamdastyǵy atynan QR Parlamenti Májilisiniń jańa depýtattyq korpýsymen birlese jumys isteýge nıetti ekenin atap ótti.