Qazaqstannyń ıpotekalyq nesıelerge kepildik berý qorynyń jańa basshysy taǵaıyndaldy
Bul týraly holdıngtiń baspasóz qyzmetinen habarlandy.
D. Ońaev «Іskerlik ákimshileý jáne býhgalterlik esepke alý» baǵdarlamasy boıynsha Qazaqstan menedjment, ekonomıka jáne boljamdaý ınstıtýtyn (QMEBI), qarjy jáne ınvestıtsııalar salasyndaǵy magıstrlik baǵdarlama boıynsha Edınbýrg Ýnıversıtetin (Edınbýrg q., Ulybrıtanııa) támamdady.
Ár jyldary «QazMunaıGaz» UK» AQ-da, «Qazkommertsbank» AQ men «Halyk Finance» AQ-da jumys istep, ınvestıtsııalyq jobalardy jáne birigýler men qosyp alýlar boıynsha sharttardy (M&A) taldaýmen aınalysty. Sonymen qatar ol qurylys, tasymaldaý jáne logıstıka salasyndaǵy iri kompanııalarǵa nesıe berý, jekeshe kompanııalardyń baǵaly qaǵazdary shyǵarylymyn súıemeldeý jumystaryn atqardy. Budan basqa, «Samuryq-Qazyna» AQ-nyń ınvestıtsııalyq jobalar departamentinde jumys isteý tájirıbesi bar.
2013 jylǵy jeltoqsan men 2015 jylǵy aqpan aralyǵyndaǵy kezeń ishinde «Báıterek» UBH» AQ Memlekettik-jekeshelik áriptestik pen arnaıy jobalar departamentiniń dırektory qyzmetin atqardy. 2015 jylǵy aqpanda ınvestıtsııalyq blokqa, sondaı-aq tikeleı ınvestıtsııalar qorlaryn qurý men olardyń ózara is-qımyly máselelerine jetekshilik etetin «Qazyna Kapıtal Menedjment» AQ Basqarma Tóraǵasynyń orynbasary laýazymyna taǵaıyndaldy.
«Memlekettik-jekeshelik áriptestik jobalaryn súıemeldeý ortalyǵy» JShS Baıqaý keńesin 2014 jylǵy naýryzdan, «Baiterek Venture Fund» AQ-nyń («Qazyna Kapıtal Menedjment» AQ-nyń enshiles uıymy) Dırektorlar keńesin 2014 jylǵy qyrkúıekten bastap basqarady. 2015 jylǵy maýsymnan «Allıýr» kompanııalar toby» AQ Dırektorlar keńesiniń múshesi bolyp tabylady.