Qazaqstannyń ınvestıtsııalyq tartymdylyǵy jaqsara túsýde - Aıdan Káribjanov

ASTANA. QazAqparat - Qazaqstannyń ınvestıtsııalyq tartymdylyǵy ınvestorlar úshin jaqsara túsýde. Mundaı pikirdi búgin Astana ekonomıkalyq forýmy aıasynda ótken sessııalardyń birinde Visor Holding dırektorlar keńesiniń tóraǵasy Aıdan Káribjanov bildirdi, dep habarlaıdy QazAqparat.

«Men osydan biraz ýaqyt buryn bıznesti bastaǵanymyz biz úshin sátti bolǵandyǵy týraly shet jaǵasyn aıtqan edim. Munaı tsıkli endi bastalyp jatty. ıAǵnı,  on nemese on eki jyl qatarynan ekonomıka joǵary qarqynmen ósip otyrǵan kezeńde bıznesti  damytý barynsha jeńil edi. Biraq aktıvteriniń qymbattaı túsýi basqa problema bolatyn. Bul erekshe qubylysty ekonomıster sıpattap ta berdi. Sondyqtan qandaı da bir sátte Qazaqstan qymbat aktıvterdiń saldarynan tartymsyz boldy. Retteý máselelerin, bizdiń sottardyń qanshalyqty táýelsizdigin, jemqorlyq deńgeıiniń joǵary ne tómen ekendigin, úkimet iskerlik ahýaldy jaqsartý úshin qanshalyq kúsh-jiger jumsaıtyndyǵyn qaperge alyp otyrǵanym joq. Bireýleri jaqsarady, bireýleri nasharlaı tústi. Alaıda bazalyq turǵyda alyp qaraıtyn bolsaq, barlyǵy da munaı baǵasyna arqa súıeıdi», - dedi Aıdan Káribjanov.

Onyń aıtýynsha, daǵdarys oryn alǵannan keıin baǵa qubylýyn jáne búgingi kúni otandyq bank sektorynda oryn alyp jatqan jaıttardy jete túsine bastadyq.

«Іskerlik aǵzany jaqsartý úshin qannyń jańa legi qajet. Qytaıda halyqtyń tabysy artyp kele jatyr. Osyǵan baılanysty biz olarmen salystyrǵanda jumys orny retinde barynsha qymbat bolyp kórinbeımiz. Sondyqtan  meniń oıymsha, Qazaqstan barynsha tartymdy bola túsýde. Sońǵy jyldary oryn alyp jatqan jaıttardy synı turǵyda baǵalaý qalyptasqan. Biraq, osy jyldyń ishinde ekonomıka ósimi meni tań qaldyryp otyr. Boljaý jasaýǵa qorqamyn. Alaıda tsıkldiń aıaqtalyp kele jatqandyǵyn sezip otyrmyn», - dedi ol.

 Osy rette ekonomıst Qazaqstannyń sheteldik ınvestorlar úshin tartymdylyǵy jaqsaryp kele jatqandyǵyn basa aıtqan.