«Qazaqstannyń ınvestıtsııalyq qory» AQ basqarmasyna R.Sısembaev tóraǵa bolyp taǵaıyndaldy

ASTANA. QazAqparat - «Báıterek» Ulttyq basqarý holdıngi» AQ basqarmasynyń 2015 jylǵy 12 maýsymdaǵy sheshimimen Sısembaev Rınat Nurııamınuly «Qazaqstannyń ınvestıtsııalyq qory» AQ-nyń basqarmasy tóraǵasynyń qyzmetine taǵaıyndaldy.

Taǵaıyndaýǵa deıin R.Sısembaev «Qazaqstannyń damý banki» AQ basqarmasy tóraǵasynyń orynbasary qyzmetinde bolǵan, dep habarlady «Báıterek» holdınginiń baspasóz qyzmetinen.

R. Sısembaev 1976 jyldyń 9 naýryzynda dúnıege keldi. Ál-Farabı atyndaǵy Qazaq memlekettik ulttyq ýnıversıtetin ekonomıst, menedjment jáne marketıng mamany bolyp támamdaǵan.

Ár jyldary «Qazaqstannyń ınvestıtsııalyq qory» AQ basqarmasy tóraǵasynyń orynbasary, «Samuryq Qazyna Invest» JShS, «Altel» AQ basqarýshy dırektory, «Trans Petroleým Grýpp» zańdy tulǵalar birlestiginiń vıtse-prezıdenti, «Jańa AR-Oıl» JShS jáne «Astana-Stroıınterer» JShS-niń dırektory, «Qaraǵandy otyn-energetıkalyq kompanııasy» JShS dırektorynyń orynbasary bolyp jumys atqarǵan.

Qazaqstannyń ınvestıtsııalyq qory 2003 jyldyń 30 mamyrynda qurylǵan, qor aktsııalarynyń 100 paıyzy «Báıterek» holdınginiń ıeliginde.