Qazaqstannyń ınnovatsııalyq jobalary Máskeýde tanystyryldy

ASTANA. QazAqparat -Máskeýde «Qazaq mádenıetiniń máskeýlik qoǵamy «MURAGER» óńirlik qoǵamdyq uıymynyń bastamasymen jıyn ótti, dep habarlaıdy QazAqparat Qordyń baspasóz qyzmetine silteme jasap.

Reseı Federatsııasynyń Qoǵamdyq palatasynda ótken dóńgelek ústelge Reseı Federatsııasynyń Qoǵamdyq palata músheleri, RF Qoǵamdyq palata sarapshylary, Memlekettik Dýmasynyń jáne Federatsııa Keńesiniń ókilderi, Reseı Federatsııasyndaǵy Qazaqstan Respýblıkasy elshiliginiń,  mınıstrlikter ókilderi, bilim berý jáne mádenıet mekemeleriniń basshylary, dıaspora ókilderi qatysty.

Memlekettik tildi damytý qorynyń dırektory Azat Shaýeev qatysýshylarǵa Qordyń oqý, mádenı, ǵylymı, shyǵarmashylyq jobalary, mysalǵa, qazaq tilin tegin oqytýǵa arnalǵan «Soyle.kz» onlaın kýrsyn, «Abaialemi.kz» onlaın entsıklopedııasyn, «Tattialma.kz» balalar ádebıeti saıtyn, «Kim bilgish?» ıntellektýaldy-tanymdyq onlaın oıynyn, «Meniń Kazaqstanym», «Uly tulǵalar», «Qazaqstan merekeleri» mobıldi qosymshalaryn tanystyrdy. Sonymen qatar, «Rýhanı jańǵyrý» baǵdarlamasyn júzege asyrý maqsatynda ázirlengen «Qazaqstan3D» Qazaqstandy tanystyrýdaǵy erekshe  mýltımedııalyq  jolserigin, qazaq halqynyń ulttyq dástúrleri men salt-dástúrlerin, mádenı, ádebı, rýhanı jetistikterin saqtaýǵa yqpal etetin «Jeti qazyna»  mobıldi entsıklopedııalyq- qosymshasyn, sonymen qatar smartfondar men planshetterǵa arnalǵan latyn áripterimen qazaqsha pernetaqta «Qazaq Latyn Keyboard» jańa jobasy kópshiliktiń nazaryna usynyldy.

Memlekettik tildi damytý qorynyń barlyq jobalary QR Tuńǵysh Prezıdenti -Elbasynyń qory jáne «Samruk-KazynaTrust» áleýmettik jobalardy damytý qorynyń qoldaýymen jasalǵanyn atap ótý kerek.

Osy is-shara aıasynda Memlekettik tildi damytý qory Máskeýdegi jáne RF oblystaryndaǵy qazaq dıasporalarynyń ókilderimen «Rýhanı jańǵyrý baǵdarlamasynyń» negizgi maqsattaryn túsindirý, qazaq halqynyń ulttyq salt-dástúrlerin, mádenıetin, ádebı jáne rýhanı jetistikterin saqtaý taqyrybynda kezdesýler ótkizdi.