Qazaqstannyń HQO tájirıbesine Belarýs qyzyǵýshylyq tanytty
20:11, 06 Qyrkúıek 2018
ASTANA. QazAqparat - Belarýs Respýblıkasy Eńbek jáne halyqty áleýmettik qorǵaý mınıstri Irına Kostevıchtiń jetekshiligimen Qazaqstanǵa kelgen delegatsııa Astanadaǵy Halyqqa qyzmet kórsetý ortalyǵyna bardy, dep habarlaıdy QazAqparat Azamattarǵa arnalǵan úkimetke silteme jasap.
«Qonaqtarǵa bizdiń elimizdegi memlekettik qyzmet kórsetýdi damytýdyń jańa úrdisteri, onyń ishinde memlekettik korporatsııanyń front-ofısteri týraly, elektrondy úkimet portaly arqyly kórsetiletin áleýmettik qyzmetter týraly aıtyp berdim. Olar memlekettik qyzmetti kórsetýdiń proaktıvti prıntsıpine ótý boıynsha Qazaqstan tájirıbesine qyzyǵýshylyq tanytty. Taıaý ýaqytta taǵy 21 áleýmettik qyzmet proaktıvti formatta usynylatyn bolady», - dep jazdy Azamattarǵa arnalǵan úkimet memlekettik korporatsııasynyń basshysy Abylaıhan Ospanov áleýmettik jelide.