Qazaqstannyń HQO-lary óz jumysyn qaıta bastady

NUR-SULTAN. QazAqparat - 2022 jylǵy 10 qańtardan bastap Almaty qalasy men Almaty oblysyn qospaǵanda, Qazaqstannyń barlyq óńirinde HQO-lar óz jumysyn qaıta bastady, dep habarlaıdy Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrliginiń baspasóz qyzmeti.

Azamattarǵa kezeń-kezeńimen barlyq qyzmetter qoljetimdi bolady, Jambyl oblysynyń turǵyndary jeke kýálikter men pasporttardy resimdeý jónindegi qyzmetterdi ýaqytsha paıdalana almaıdy.
Aıta ketý kerek, baılanys sapasyna baılanysty jumys barysynda kidiris bolýy múmkin.
Sondaı-aq QR ІІM Ákimshilik polıtsııa komıtetiniń qyzmetkerleri basqa mindetterdi oryndap jatqandyqtan, QR barlyq óńirinde avtoHQO-lar jumys istemeıdi. «Azamattarǵa arnalǵan úkimet» KEAQ-nyń baspasóz qyzmeti Almaty qalasy men Almaty oblysyndaǵy avtoHQO-lar men HQO-lar jumysynyń qaıta jandanǵany týraly qosymsha habarlaıtyn bolady.
Buǵan deıin Qazaqstandaǵy tótenshe jaǵdaıǵa baılanysty HQO-lar jumysyn toqtatqan bolatyn.