Qazaqstannyń HQKO-tarynda ózine ózi qyzmet kórsetý sektorlary paıda boldy
atap aıtqanda «Connection Point» alańdary jumys jasaı bastady. Onda qazaqstandyqtar, operatordy kútpeı-aq, óz betterimen elektrondyq qyzmetterdi paıdalana alatyn bolady, dep habarlady Kólik jáne kommýnıkatsııa mınıstrliginiń baspasóz qyzmetinen
Bul ýchaskelerde keńesshiler jumys jasaıdy. Olar azamat memlekettik qyzmetti alǵash ret paıdalana bastasa, oǵan mindetti túrde keńes berý arqyly kómektesedi.
www.egov.kz elektrondyq úkimet portalynyń «Connection Point» sektorlarynan azamattardyń eń jıi paıdalanatyn qyzmet túrleri - qozǵalmaıtyn múlikteriniń bar-joqtyǵy týraly anyqtamalar, meken-jaı jónindegi anyqtamalar, zeınetaqylardyń aýdarymy týraly anyqtamalar jáne t.b. ekendigin ataǵan jón. Munyń syrtynda HQKO-nyń qyzmetin paıdalanýshylar óz betimen náresteni balabaqsha kezegine qoıyp, ata-tegi men esimin ózgerýge ótinish berip, jeke kásipkerligin tirkeı alady.Sonymen birge keńesshiler memlekettik baj, salyq, jol qozǵalysyn buzǵandyǵy úshin aıyppuldy, kommýnaldyq qyzmet aqysyn qalaı tóleýge bolatyndyǵyn túsindirip beredi.
Memlekettik qyzmetterdi avtomattandyrýǵa baqylaý jasaý jáne HQKO qyzmetin úılestirý komıtetiniń tóraǵasy Baǵdat Mýsınniń aıtýynsha «HQKO-nda múmkindigi bar jerlerde ózine ózi qyzmet kórsetýdi engizýdiń arqasynda biz HQKO arqyly memlekettik organdardyń qazirgi kórsetip otyrǵan qyzmetterine jańa qyzmetterdi odan da kóbeıte alatyn bolamyz».
«Búginde HQKO arqyly 171 qyzmet túri kórsetilip keledi, onyń 117 túrin elektrondy formatta alýǵa bolady, birtindep biz olardyń sanyn arttyra beretin bolamyz», - dep atap ótti B.Mýsın.