Qazaqstannyń halyqaralyq rezervteri 94 mlrd AQSh dollaryn qurady

ASTANA. QazAqparat – Byltyrdyń basynan beri Ulttyq qordyń aktıvteri 3 mlrd dollarǵa ósti. Bul týraly eldiń áleýmettik-ekonomıkalyq máseleleri jónindegi keńeıtilgen keńeste Úkimet basshysy Álıhan Smaıylov aıtty, dep habarlaıdy QazAqparat tilshisi.

«Qazaqstannyń halyqaralyq rezervteri 94 mlrd AQSh dollaryn qurady. Atap aıtqanda, byltyrdyń basynan beri Ulttyq qordyń aktıvteri 3 mlrd dollarǵa ósip, 58 mlrd dollarǵa jetti», - dedi Á. Smsaıylov.

Premer-Mınıstr halyqaralyq reıtıngtik agenttikter Qazaqstannyń ınvestıtsııalyq reıtıngin senimdilik deńgeıinde rastaǵanyn, al Standard&Poor's agenttigi bıylǵy naýryz aıynda ekonomıkamyzǵa qatysty óz boljamyn jaqsartqanyn aıtty.

Budan buryn habarlanǵandaı, Qazaqstan ekonomıkasynyń ósýi osy jyldyń I toqsanynda 4,9%-dy qurady.