Qazaqstannyń halyqaralyq rezervteri 90 mlrd dollardan asty
«Teńgeniń aıyrbas baǵamynyń salystyrmaly túrde turaqtaýy aıasynda jyl basynan beri altyn-valıýta qorynyń 11,6 paıyzǵa, 32,9 mlrd AQSh dollaryna deıin ulǵaıǵanyn eskere otyryp, tutastaı alǵanda elimizdiń halyqaralyq rezervteri 90,9 mlrd AQSh dollaryna deıin jetti (jyl basynan ósý 0,1% qurady)», - dedi R.Dálenov.
Onyń sózine qaraǵanda, Qazaqstannyń qarjy naryǵynda ahýaldyń edáýir jaqsarǵany baıqalyp otyr. Aǵymdaǵy jyldyń 1 tamyzyndaǵy jaǵdaı boıynsha kredıtter jyl basymen salystyrǵanda 0,7%-ǵa ósip 12,8 trln teńgeni qurady. Alaıda, paıyz mólsherlemesiniń joǵary bolýy (14,6%) kredıtterdi ekonomıkaǵa ınvestıtsııalaý úshin áli de bolsa qıyndatyp otyr.
«Bul konıýnktýraly túrde UB tarapynan rastalyp otyr, olar aǵymdaǵy jyldyń 2-toqsanynda kásiporyndardyń aınalymdyq jáne negizgi quraldaryn kredıtteýdiń baǵalyq (mólsherleme jáne komıssııa) jáne baǵalyq emes (mólsheri, merzimi, kepildik, qaryz alýshynyń qarjylyq jaǵdaıy) sharttary bolmashy ǵana nasharlaǵanyn atap ótti. Sonymen qatar ınflıatsııalyq protsesterdiń baıaýlaýy aıasynda UB bazalyq mólshelemesi birtindep tómendeýde, al jyl basynan 1,75 paıyzdyq tarmaqqa tómendeýmen búgingi kúni 10,25% qurap otyr. Bul kredıtterdi qosa alǵanda, aqsha naryǵyndaǵy mólsherlemeniń tómendeýine yqpal etýge tıis. Biz ekonomıkany kredıtteýdi jandandyrýǵa Ulttyq Bank Qarjygerler qaýymdastyǵymen birlesip qarjy sektoryn saýyqtyrý jónindegi sharalardy iske asyrýy áser etedi dep esepteımiz», - dedi vıtse-mınıstr.