Qazaqstannyń fýtboldan jasóspirimder quramasy rýmynııalyqtardy oısyrata jeńdi

ASTANA. QazAqparat - Túrkııada oqý-jattyǵý jıynyn ótkizip jatqan Qazaqstannyń 19 jasqa deıingi jasóspirimder quramasy kezekti baıqaý matchyn ótkizdi. Bul joly qazaqstandyq jasóspirimder rýmynııalyq «Akademııa» (Býharest) klýbyna qarsy oınady, dep habarlanǵan Qazaqstan fýtbol federatsııasynyń saıtynda.

Aleksandr Kýznetsovtyń tálimgerleri match boıyna alańda basymdyq tanytty. Oıyn basynda, ıaǵnı 7 mınýtta esepti rýmynııalyqtar penaltı kezinde ashty. Qazaqstandyqtar bolsa, birinshi taımnyń 43-shi mınýtynda ese qaıtardy. Maksım Vaganov baǵyttaǵan dop qarsylastardyń qaqpasynan tabyldy. Maksım oıynnyń birinshi jartysyna qosymsha berilgen ýaqytta taǵy da mergendigimen tanyldy.

Ekinshi taımda qazaqstandyqtar taǵy eki dopty rýmynııalyqtardyń qaqpasyna súńgitip úlgerdi. Aldymen oıynnyń 72 mınýtynda Reseıdiń «Tosno» komandasynyń forvardy Danıl Chernyı qaqpany dál kózdese, 83 mınýtta Arystan Muqashev qarsylastardyń qaqpasynan sańylaý tapty.

Osylaısha, qazaqstandyqtar Túrkııadaǵy oqý-jattyǵý jıynynda qatarynan ekinshi ret jeńiske jetti. Osyǵan deıin olar danııalyq «Kege» klýbyn tize búktirgen bolatyn.

Qazaqstan U19 - «Akademııa» (Býharest, Rýmynııa) - 4:1 (2:1);