Qazaqstannyń Eýrazııa ekonomıka odaǵy elderimen ózara saýdasy 7,1% ósti

ASTANA. QazAqparat - 2022 jylǵy qańtar-qarashada Qazaqstannyń EAEO elderimen ózara saýdasy 25 585,9 mln AQSh dollaryn qurap, ótken jyldyń sáıkes kezeńimen salystyrǵanda nomınaldy mánde 7,1% kóbeıdi, dep habarlaıdy QazAqparat.

Ulttyq statbıýro málimetinshe, byltyr qańtar-qarashada taýar eksporty 8 632,8 mln AQSh dollary (22,3% kóp), ımport – 16 953,1 mln AQSh dollary (0,7% kóp) deńgeıinde qalyptasqan.

Qazaqstan Respýblıkasynyń EAEO elderimen syrtqy saýda aınalymynyń jalpy kóleminde Reseı Federatsııasyna – 92,3%, Qyrǵyzstan Respýblıkasyna – 4%, Belarýs Respýblıkasyna – 3,6%, Armenııa Respýblıkasyna – 0,1%-dan keledi.

Qazaqstan Respýblıkasynyń EAEO elderimen ózara saýdasy

(mln AQSh dollary)

	Eksport	Import
qańtar-qarasha 2021j.	qańtar-qarasha 2022j.	qańtar- qarasha 2021j.	qańtar- qarasha 2022j.
Reseı	6 334,9	7 801,2	15 779,8	15 806,5
Qyrǵyzstan	615,1	675,7	337,3	349,2
Belarýs	100,8	130,5	707,2	785,4
Armenııa	9,8	25,4	9,6	12,1
Barlyǵy	7 060,6	8 632,8	16 833,9	16 953,1

EAEO elderimen eksport boıynsha ótken jyldyń sáıkes kezeńimen salystyrǵanda radıoaktıvti hımııa elementteri boıynsha 2,1 ese ósim baıqalady.

Bul rette kúıdirilgen pırıtti qosa alǵanda, temir keni men kontsentraty boıynsha tómendeý baıqalady (77,2% az).

Importta bıdaı men meslın boıynsha ósim baıqalady – 1,7 ese. Bul rette jeńil avtomobıl jáne ózge de motorly kólik quraldary boıynsha kórsetkish tómendegen (76,2% az).