Qazaqstannyń energııa resýrsy 90 jylǵa jetedi - V. Shkolnık

ASTANA. QazAqparat - Qazaqstan energııa tıimdiligi deńgeıi boıynsha damyǵan elderden 2,5 esege keıin qalyp otyr. Bul týraly búgin Halyqaralyq energetıkalyq agenttiktiń jarııalanymy men Shyǵys Eýropa, Kavkaz jáne Ortalyq Azııa elderiniń energıkalyq saıasatyn sholýǵa arnalǵan INOGATE baǵdarlamasynyń tusaýkeserine arnalǵan sharada QR Energetıka mınıstri Vladımır Shkolnık málim etti.

«Energııa tıimdiligi bizdiń yntymaqtastyǵymyzdyń taqyryptarynyń biri ekendigin atap ótkim keledi. Bul óte mańyzdy. Óıtkeni, óndiristegi energııa shyǵyndary ishki jalpy ónim birliginde 1000 dollardy quraıdy. Ázirshe, biz damyǵan elderden 2-2,5 esege arta qalyp otyrmyz», - dedi mınıstr.

Onyń atap ótýinshe, energııa tıimdiligi bizdiń básekege qabilettiligimizdi artyrýdaǵy mańyzdy máselelerdiń biri bolyp otyr.

«Qazaqstannyń energetıkalyq resýrstarmen ýaqytsha qamtamasyz etilýi shamamen 90 jyldy quraıdy. Bul bizde barlanǵan kólem. Biz geologııalyq izdeý ári barlaý jumystary odan ary jalǵasýy tıistigin túsinemiz. Halyqaralyq sarapshylar atap ótkendeı, biz munan da mol kólemdi áli barlaǵan joqpyz», - dedi V.Shkolnık.