Qazaqstannyń energetıkalyq eksporttyq áleýeti 2030 jyly 6 mlrd. kVt-ty quraıdy

ALMATY. 31 qazan. QazAqparat - Qazaqstanda elektr energııasyn tutyný kólemi 2015 jylǵa qaraı 101 mlrd. kVt, al 2030 jyly 145 mlrd. kVt-qa jetedi.   Bul týraly Almatyda ótken  «Energetıkanyń ınnovatsııalyq damýynyń ózekti jáne basymdy baǵyttary» dep atalatyn HІ Qazaqstandyq energetıkter forýmynda aıtyldy.

«Qazaqstannyń  elektr energetıkasy  salasyn damytýdyń 2030 jylǵa deıingi josparyna» sáıkes el ekonomıkasynyń budan ary damýyn qamtamasyz etý úshin 2030 jyly elektr energııasyn óndirýdi 150 mlrd. kVt-qa deıin jetkizý kerek. Bul kezde ishki qajettilik tolyq qamtamasyz etilip,  eksporttyq áleýet 6 mlrd. kVt-dy quraıdy», - deıdi «Samuryq-Energo» AQ-nyń Basqarma tóraǵasy Almasadam Satqalıev. Onyń aıtýynsha, bul maqsatqa qol jetkizý úshin qoldanystaǵylarynyń qýatyn ulǵaıtý men jańalaryn salý esebinen generatsııa ósimi 19,8-den 32GVt-qa deıin 62 paıyzǵa ulǵaımaq. Onda jylý elektrstantsııalaryn taza kómir tehnologııalaryn qoldanýdan 7,2 GVt-qa, gıdroelektrstantsııalardy 0,7 GVt-qa, jańǵyrmaly energııa kózderin 3,4 GVt-qa, qarastyrylyp jatqan AES qurylysynan 0,9 GVt-qa jetkizý josparlanýda. Al  jalpy ınvestıtsııa kólemi 9,5 trıllıon teńgege óspek. Qazirig tańda «Samuryq-Energo» Qazaqstannyń biryńǵaı elektr jelisi qýatynyń 40 paıyzǵa jýyǵyn quraıtyn jalpy qýaty 8 GVt-tyq elektrstantsııalaryn biriktirip otyr. Jalpy bul aktsıonerlik qoǵamnyń elektr energııasyn óndirýdegi úlesi 30 paıyzdan asady.