Qazaqstannyń elshisi Túrkııa Din isteri basqarmasynyń tóraǵasymen kezdesti

ASTANA. QazAqparat - Qazaqstannyń Túrkııadaǵy Elshisi Abzal Saparbekuly Túrkııa Respýblıkasy Din isteri basqaramasynyń tóraǵasy Alı Erbashpen kezdesti. Bul týraly QazAqparat QR Túrkııadaǵy Elshiligine silteme jasap habarlaıdy.

Kezdesý barysynda Elshi A.Saparbekuly Din isteri basqarmasynyń basshysyn jańa qyzmetimen quttyqtaı otyryp, a.j. 10-11 qazan kúnderi aralyǵynda Astanada ótetin Álemdik jáne dástúrli dinder lıderleri Seziniń VI otyrysyna daıyndyq jumystary týraly málimet berdi. Budan buryn ótken Sez otyrystarynda kóterilgen kókeıtesti taqyryptar men ózekti máselelerge keńinen toqtaldy. Qazaqstannyń ustanyp otyrǵan kópvektorly saıasaty men beıbitshilikti ornatý boıynsha atqaryp otyrǵan ońtaıly isterin atap ótti.

Sonymen qatar, A.Saparbekuly rýhanııat jáne mádenı-gýmanıtarlyq sala boıynsha eki baýyrlas el arasyndaǵy qarym-qatynastardyń joǵary deńgeıde jalǵasyp otyrǵandyǵyn jetkizdi.

Óz kezeginde, TR Din isteri basqaramasynyń basshysy Elshige alǵys aıtyp, QR Parlamenti Senatynyń Tóraǵasy - Álemdik jáne dástúrli dinder lıderleri Sezi Hatshylyǵynyń Basshysy Q.K.Toqaevtan kelip túsken arnaıy shaqyrýyna rızashylyǵyn bildirdi. Álem beıbitshiliginiń ornyǵýyna eleýli úles qosyp otyrǵan Sezdiń kezekti otyrysyna qatysatyndyǵyn jetkizip, Sezdiń daıyndyq jumystaryna sáttilik tiledi.

Áńgime barysynda A.Erbash din salasy boıynsha Qazaqstanmen yntymaqtastyqtyń joǵary deńgeıde jalǵasyp otyrǵandyǵyn jáne aldaǵy eki jaqty ózara saparlar barysynda ony odan ary jandandyrýdyń joldary talqylanatynyn  jetkizdi.