Qazaqstannyń Elshisi E.Álı Efıopııanyń Prezıdenti M.Teshomaǵa senim gramotalaryn tapsyrdy

ASTANA. QazAqparat - Qazaqstan Respýblıkasynyń Efıopııa Federatıvtik Demokratııalyq Respýblıkasyndaǵy Elshisi Erlik Álı Efıopııanyń Prezıdenti Mýlatý Teshomaǵa senim gramotalaryn tapsyrdy. Bul týraly QR SІM baspasóz qyzmetinen habarlady.

Rásim sheńberinde qazaqstandyq dıplomat M.Teshomaǵa qazirgi kezeńdegi Qazaqstannyń damýy, eldiń syrtqy saıası bastamalary, Prezıdent N. Nazarbaevtyń ekijaqty qatynastardy damytý týraly qoıǵan mindetteri týraly habardar etti. Afrıkalyq Odaq sheńberinde ózara is-áreket mańyzdylyǵy basa aıtyldy.

Óz kezeginde, M. Teshome QR Prezıdenti N. Nazarbaevqa izigi tilekterin joldady jáne ekijaqty yntymaqtastyqty odan ári damytý úshin birlesken jumysqa daıyndyǵyn bildirdi.

Sondaı-aq ol Qazaqstannyń dıplomatııalyq ókildigine jemisti jumys tiledi.